Բաժանորդագրվել
ԵՐԵՎԱՆ, 9 ապրիլի – Sputnik. ՀՀ արտաքին գործերի նախարարությունում այսօր կայացել է Հայաստանի ու Ղազախստանի պատվիրակությունների ընդլայնված կազմով հանդիպումը։
Ընդլայնված կազմով հանդիպմանը նախորդել է արտգործնախարարներ Արարատ Միրզոյանի և Երմեկ Կոշերբաևի առանձնազրույցը:
Հիշեցնենք, որ ՀՀ կառավարության նիստից հետո` ճեպազրույցի ժամանակ, վարչապետ Նիկոլ Փաշինյանն այսօր չէր բացառել, որ ղազախական պատվիրակության հետ հանդիպմանը կխոսեն նաև «Հարավկովկասյան երկաթուղու» մասին, ինչպես նաև Հայաստանը Ղազախստանին կառաջարկի TRIPP–ի շրջանակում օգտագործել իր երկաթուղու հնարավորությունները։