Ապրիլի 8-ին, ժամը 17:26-ին Տավուշի մարզային օպերատիվ կառավարման կենտրոն ահազանգ է ստացվել, որ Պառավաքար գյուղում այրվում է տուն:
ՆԳՆ-ից հայտնում են՝ դեպքի վայր են մեկնել ՆԳՆ ՓԾ Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատի Պառավաքարի հենակետից և մարզային փրկարարական վարչության հրշեջ-փրկարարական ջոկատից մեկական մարտական հաշվարկ:
Պարզվել է, որ հրդեհը բռնկվել է 14-րդ փողոցի 1 փակուղում գտնվող երկհարկանի տներից մեկում։
Հրդեհը մեկուսացվել է ժամը 17:56-ին, մարվել՝ 18:26-ին: Այրվել են տան տանիքը և երկրորդ հարկը՝ գույքով (մոտ 100 քմ):
Հրշեջ-փրկարարներին հաջողվել է կանխել հրդեհի տարածումը դեպի առաջին հարկ։
Դիտումների քանակ7