Վարչապետ Նիկոլ Փաշինյանը Բջնիում կատարած այցի ընթացքում բարձր է գնահատել վերանորոգված ճանապարհների վիճակը։ Նրա խոսքով՝ Արագյուղ–Քարաշամբ և Քարաշամբ–Արզական հատվածները բավականին լավ որակի են, և նույնիսկ տեսանելի է, որ ճանապարհների բարեկարգումը նոր հնարավորություններ է ստեղծել զբոսաշրջային ներդրումների համար։
Փաշինյանը նաև նշել է, որ կառավարության 2025 թվականի որոշմամբ Բջնիի ամրոցի պարիսպները բացվել են այցելուների համար, անցկացվել է արտաքին լուսավորություն, ինչպես նաև վերականգնվել է դեպի ամրոց տանող ճանապարհը։
«Զբոսաշրջային այս տարածքի ամենակարևոր ու գրավիչ կետը, անկասկած, Բջնիի ամրոցն է»,- ընդգծել է նա՝ միաժամանակ կոչ անելով բոլոր նրանց, ովքեր դեռ չեն այցելել Բջնի, անպայման անել դա։