Շնամարտ կազմակերպելու դեպքի առթիվ քրեական վարույթ է նախաձեռնվել: Այս մասին 1lurer.am-ին տեղեկացրին քննչական կոմտեից։
«2026 թ․ ապրիլի 4-ին քննչական կոմիտեի Լոռու մարզային վարչության Սպիտակի բաժնում նախաձեռնվել է քրեական վարույթ՝ ՔՕ 195-րդ հոդվածի 2-րդ մասի 5-րդ կետով (ֆիզիկական ներգործություն), 297-րդ հոդվածի 2-րդ մասի 1-ին կետով (խուլիգանություն) և 307-րդ հոդվածի 2-րդ մասի 1-ին կետով (կենդանիների նկատմամբ դաժան վերաբերմունք): 3 անձ ձերբակալվել է»,- հայտնեցին կոմիտեից։
Օրեր առաջ կենդանիների պաշտպանությամբ զբաղվող կազմակերպությունների և անհատների կողմից տեսանյութ է հրապարակվել, որում երևում է՝ ինչպես են մի խումբ անձինք շնամարտի մասնակցում։
1lurer․am-ին Ներքին գործերի նախարարությունից հայտնել էին, որ միջադեպին անմիջապես արձագանքել են համայնքային ոստիկանության Սպիտակի բաժնի ծառայողները:
Դիտումների քանակ53