Տեղի է ունեցել ազատազրկված կանանց անձնական պատմություններն ամփոփող ժողովածուի շնորհանդեսը

Արդարադատության նախարարի տեղակալ Գևորգ Քոչարյանը բացման խոսքով է հանդես եկել «Իրավական նախաձեռնությունների կենտրոն» ՀԿ-ի կողմից կազմակերպված «Դիմադրության ձայներ. ճաղերից այն կողմ գտնվող կանանց պատմությունները» խորագրով կոնֆերանսին՝ նվիրված ազատազրկված կանանց անձնական պատմություններն ամփոփող ժողովածուի շնորհանդեսին։
Նախարարի տեղակալն ընդգծել է պատժողական քաղաքականությունից վերականգնողական քաղաքականության անցման, վերսոցիալականացման, կրթության և ինքնազարգացման հնարավորությունների ստեղծման կարևորությունը, ինչպես նաև նմանատիպ նախաձեռնությունների իրականացման անհրաժեշտությունը ու շարունակականության ապահովումը:
Միջոցառմանը բացման խոսքով հանդես են եկել նաև Մարդու իրավունքների պաշտպանը, Հայաստանում Չեխիայի Հանրապետության արտաքին և լիազոր դեսպան Պետր Պիրունչիկը, Հայաստանում Նիդերլանդների Թագավորության արտաքին և լիազոր դեսպան Մարիկե Մոնրոյ-Վինթերը, Հայաստանում Կանադայի արտաքին և լիազոր դեսպան Էնդրյու Թըրները, ինչպես նաև Հայաստանում Եվրոպական միության պատվիրակության անդամ Տոմար Օստրոպոլսկին: Ներկա են գտվել նաև ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի տնօրեն Գևորգ Սիմոնյանը և ՔԿԾ պետի տեղակալ Վահե Նանուշյանը:
Ծրագիրն իրականացվում է Չեխիայի Հանրապետության Արտաքին գործերի նախարարության «Անցումային առաջխաղացում» ծրագրի ֆինանսական աջակցությամբ։