«Արարատ-Արմենիան» դարձավ ֆուտբոլի Հայաստանի գավաթի խաղարկության կիսաեզրափակիչի վերջին մասնակիցը։
Քառորդ եզրափակիչի պատասխան խաղում Հայաստանի Պրեմիեր լիգայի ընթացիկ մրցաշրջանի առաջատարը հյուրընկալվելիս 2:0 հաշվով ուժեղ գտնվեց Գյումրիի «Շիրակից»։ Երկրորդ խաղակեսում գոլի հեղինակ դարձան գանացի հարձակվող Պոլ Այոնգոն ու բրազիլացի կիսապաշտպան Ուելթոնը։
Առաջին խաղում «Արարատ-Արմենիան» հաղթել էր 1։0 հաշվով։
Ավելի վաղ կիսաեզրափակիչի ուղեգիր էին նվաճել նաև գործող գավաթակիր «Նոան», «Ուրարտուն» ու Հայաստանի Առաջին խմբի ներկայացուցիչ «Անդրանիկը»։