Բաժանորդագրվել
Նախնական տեղեկություններով՝ հրդեհի հետևանքով տուժածներ չկան։
ԵՐԵՎԱՆ, 31 մարտի – Sputnik. Երևանի Սերո Խանզադյան փողոցի տներից մի քանիսում բռնկված հրդեհը մարվել է։ Տեղեկությունը հայտնում է ՀՀ ներքին գործերի նախարարության փրկարար ծառայությունը։
ՆԳՆ 112 օպերատիվ կառավարման կենտրոնը հրդեհի մասին ահազանգը ստացել էր 19։00-ի սահմաններում, հրդեհի բարդության «1 ԲԻՍ» կանչով դեպքի վայր էին մեկնել հրշեջ-փրկարարական ջոկատներից չորս մարտական հաշվարկ։ Այնուհետև հայտարարվել էր հրդեհի բարդության «Թիվ 2» կանչ, ուստի ևս երեք մարտական հաշվարկներ էին դեպքի վայր մեկնել։
Հրդեհը մեկուսացվել է ժամը 20:03-ին, մարվել՝ 20:30-ին։
Նախնական տեղեկություններով՝ տուժածներ չկան։