Միացյալ Նահանգները երբեք չի կարողանա վերահսկողություն հաստատել Հորմուզի նեղուցի նկատմամբ, հայտարարել է Իրանի զինված ուժերի «Խաթամ ալ-Անբիա» կենտրոնական հրամանատարության խոսնակ Էբրահիմ Զոլֆաղարին։
Նա նշել է, որ Իսլամական Իրանի ամերիկացի և սիոնիստ թշնամիների ռազմավարական սխալը նվաստացրել է նրանց և դրել կործանման ճանապարհին։
«Նրանք մոլորվել են՝ մտածելով, որ տեղեկատվական պատերազմի, ենթադրաբար առաջադեմ զենքի և սարքավորումների ցուցադրությունների, ինչպես նաև երեխաների, կանանց, տղամարդկանց, գիտնականների և երկրի քաջարի զինվորական հրամանատարների դեմ ահաբեկչական հարձակումների միջոցով կարող են հզոր և հպարտ Իրանին, որը երբեք չի խոնարհվել իր պատմության մեջ իր թշնամիների առջև, ստիպել հանձնվել կամ իրականացնել Հորմուզի նեղուցի նկատմամբ վերահսկողություն հաստատելու իրենց երազանքը։ Նրանք ընդմիշտ կթաղեն այս երազանքը», – նրա խոսքերն է մեջբերել «Tasnim» լրատվական գործակալությունը։