ԱՄՆ նախագահ Դոնալդ Թրամփը հայտարարել է․ «Ուկրաինայում պատերազմը մեր պատերազմը չէ։ Մենք օգնել ենք, բայց դա մեր պատերազմը չէ»։
Թրամփը հայտարարել է, որ այսպես է արձագանքել Մերցի այն խոսքերին, թե Իրանում ընթացող պատերազմը չի վերաբերում Եվրոպային։
ԱՄՆ նախագահը նաև հաստատել է, որ Կիևի համար նախատեսված զինամթերքի մի մասը վերաուղղվում է Մերձավոր Արևելք։
Նշենք, որ Թրամփը ևս մեկ տարով երկարաձգել է Ռուսաստանի դեմ կիրառվող մի շարք պատժամիջոցների գործողությունը․ համապատասխան ծանուցումը հրապարակվել է ԱՄՆ Դաշնային ռեգիստրում։
Ծանուցման մեջ նշվում է, որ Ռուսաստանը իրականացնում է գործունեություն, որը ներկայացնում է «արտակարգ սպառնալիք ԱՄՆ ազգային անվտանգության, արտաքին քաղաքականության և տնտեսության համար»։