https://arm.sputniknews.ru/20260320/parizi-samueljani-grakhanuti-hazvagjut-havaqatsun-nvirabervel-e-kervon-himnadramin-100079757.html
Փարիզի Սամուելյանի գրախանութի հազվագյուտ հավաքածուն նվիրաբերվել է «Կերոն» հիմնադրամին
Փարիզի Սամուելյանի գրախանութի հազվագյուտ հավաքածուն նվիրաբերվել է «Կերոն» հիմնադրամին
Sputnik Արմենիա
Գրատունը համարվում է աշխարհի ամենաերկար գործող հայկական գրախանութներից մեկը և նշանավոր է իր հազվագյուտ ձեռագրերով, հին գրքերով և արժեքավոր նյութերով, որոնք… 20.03.2026, Sputnik Արմենիա
2026-03-20T15:05+0400
2026-03-20T15:05+0400
2026-03-20T15:06+0400
փարիզ
գրախանութ
հայ
գրիգոր նարեկացի
մեսրոպ մաշտոց
https://cdn.am.sputniknews.ru/img/07ea/03/14/100077688_0:0:1024:577_1920x0_80_0_0_52d533e3b2d973327e4a4587fb205f81.jpg.webp
ԵՐԵՎԱՆ, 20 մարտի – Sputnik. Փարիզի Հրանտ Սամուելյանի Արևելյան գրախանութի հազվագյուտ և արժեքավոր հավաքածուն, որն աճուրդի էր հանվել, գնել է «Wilco» ընկերությունը և նվիրաբերել «Կերոն» զարգացման հիմնադրամին։ Այս մասին հայտնում է հիմնադրամը։Այս հավաքածուն, որն արդեն 95 տարի Փարիզի հայ համայնքի մշակութային կենտրոնի մասն է, 2025 թվականի հունիսի 11-ին աճուրդի էր հանվել:Փարիզի աճուրդում հայտնվել էին այնպիսի արժեքավոր գրքեր և ձեռագրեր, ինչպիսիք են Մաշտոցի ծիսարանները, Գրիգոր Նարեկացու «Նարեկ. Գիրք Աղոթքից» 1782 և 1829 թվականների տպագիր օրինակները, հեքիմարաններ և տարբեր ժողովածուներ, որոնք կարևոր նշանակություն ունեն ինչպես հայ միջնադարյան մշակույթի, այնպես էլ ժողովրդական բժշկության ուսումնասիրության համար։«Wilco» կապիտալի կառավարման ընկերությանը, որը Հայաստանում գործում է 2002 թվականից, մասնակցել է աճուրդին և ձեռք բերել «Սամուելյան» գրախանութի հավաքածուից 17-19-րդ դարերի 13 տպագիր գիրք և 5 բացառիկ ձեռագիր։«Այս հազվագյուտ գրքերն ու ձեռագրերը պատմական հիշողության և ավանդույթի կրողներն են։ Դրանց ձեռքբերումն ու վերադարձը հայկական մշակութային միջավայր մենք դիտարկում ենք որպես ներդրում այդ ժառանգության պահպանման և այն ապագա սերունդներին փոխանցելու գործում։ Կարծում ենք, որ երկրի երկարաժամկետ զարգացումը կապված է ոչ միայն տնտեսության և ներդրումների, այլև մշակութային և մտավոր ժառանգության պահպանման հետ», – նշել է «Wilco» ընկերության գլխավոր գործադիր տնօրեն Իրինա Բելիշևան:Ձեռք բերված հազվագյուտ գրքերն ու բացառիկ ձեռագրերը Wilco ընկերությունը փոխանցել է «Կերոն» զարգացման հիմնադրամին՝ որպես վստահելի կառույց, որն իր հիմնական առաքելությանը զուգահեռ իրականացնում է մշակութային ժառանգության պահպանման և հանրահռչակման նախաձեռնություններ։«Կերոն» զարգացման հիմնադրամի գործադիր տնօրեն Վանանե Արարքցյանն իր հերթին շնորհակալություն է հայտնել այդ արժեքավոր մշակությանին ժառանգությունն իրենց նվիրաբերելու համար։«Մենք անչափ մտահոգ էինք Սամուելյան գրախանութի անգին ժառանգության ճակատագրով և մեզ համար մեծ ուրախություն էր, որ Wilco ընկերությանը հաջողվեց ձեռք բերել բացառիկ գրքերից որոշները և մեզ նվիրաբերել: Մենք ամենայն պատասխանատվությամբ ենք վերաբերվում այս եզակի ձեռագրերի պահպանման ու դրանք ապագա սերունդներին հասանելի դարձնելու գործին և անչափ հպարտ ենք, որ կարող ենք լինել այս կարևոր մշակութային ժառանգության պահապանները»,- նշել է Արարքցյանը։Հավելենք, որ գրախանութը (Librairie Orientale Hrant Samuelian) հիմնադրվել է լրագրող և արևելագետ Հրանտ Սամուելյանը 1930 թվականին Փարիզի Լատինական թաղամասի կենտրոնում: Նրան հաջողվել էր գնել մեծ գրադարանի սեփականատեր, պոլսահայ Պալենցի հին գրքերի հավաքածուն։ Գրատունը համարվում է աշխարհի ամենաերկար գործող հայկական գրախանութներից մեկը և նշանավոր է իր հազվագյուտ ձեռագրերով, հին գրքերով և արժեքավոր նյութերով, որոնք ներկայացնում են հայկական մշակույթի և պատմության կարևորագույն դրվագներ։ Գրախանութը ղեկավարել են հիմնադիր Հրանտ Սամուելյանը մինչև իր մահը՝ 1977 թվականը, ապա նրա երեխաները՝ Արմեն Սամուելյանը և Ալիս Ասլանյանը։ Սակայն 2016 թվականին գրախանութը փակվել է, իսկ 2025 թվականին Սամուելյանի ժառանգները որոշել են աճուրդի հանել գրախանութում պահպանվող հազվագյուտ գրքերի և ձեռագրերի ամբողջ հավաքածուն, որը մեծ արժեք է ներկայացնում հայկական մշակույթի և պատմության համար։
փարիզ
2026
Լուրեր
am_HY
https://cdn.am.sputniknews.ru/img/07ea/03/14/100077688_0:0:1024:769_1920x0_80_0_0_cbf4ebb6b3d3d3788f35f59b62589360.jpg.webp
փարիզ, գրախանութ, հայ, գրիգոր նարեկացի, մեսրոպ մաշտոց
փարիզ, գրախանութ, հայ, գրիգոր նարեկացի, մեսրոպ մաշտոց
Գրատունը համարվում է աշխարհի ամենաերկար գործող հայկական գրախանութներից մեկը և նշանավոր է իր հազվագյուտ ձեռագրերով, հին գրքերով և արժեքավոր նյութերով, որոնք ներկայացնում են հայկական մշակույթի և պատմության կարևորագույն դրվագներ։
ԵՐԵՎԱՆ, 20 մարտի – Sputnik. Փարիզի Հրանտ Սամուելյանի Արևելյան գրախանութի հազվագյուտ և արժեքավոր հավաքածուն, որն աճուրդի էր հանվել, գնել է «Wilco» ընկերությունը և նվիրաբերել «Կերոն» զարգացման հիմնադրամին։ Այս մասին հայտնում է հիմնադրամը։
Այս հավաքածուն, որն արդեն 95 տարի Փարիզի հայ համայնքի մշակութային կենտրոնի մասն է, 2025 թվականի հունիսի 11-ին աճուրդի էր հանվել:
Փարիզի աճուրդում հայտնվել էին այնպիսի արժեքավոր գրքեր և ձեռագրեր, ինչպիսիք են Մաշտոցի ծիսարանները, Գրիգոր Նարեկացու «Նարեկ. Գիրք Աղոթքից» 1782 և 1829 թվականների տպագիր օրինակները, հեքիմարաններ և տարբեր ժողովածուներ, որոնք կարևոր նշանակություն ունեն ինչպես հայ միջնադարյան մշակույթի, այնպես էլ ժողովրդական բժշկության ուսումնասիրության համար։
«Wilco» կապիտալի կառավարման ընկերությանը, որը Հայաստանում գործում է 2002 թվականից, մասնակցել է աճուրդին և ձեռք բերել «Սամուելյան» գրախանութի հավաքածուից 17-19-րդ դարերի 13 տպագիր գիրք և 5 բացառիկ ձեռագիր։
«Այս հազվագյուտ գրքերն ու ձեռագրերը պատմական հիշողության և ավանդույթի կրողներն են։ Դրանց ձեռքբերումն ու վերադարձը հայկական մշակութային միջավայր մենք դիտարկում ենք որպես ներդրում այդ ժառանգության պահպանման և այն ապագա սերունդներին փոխանցելու գործում։ Կարծում ենք, որ երկրի երկարաժամկետ զարգացումը կապված է ոչ միայն տնտեսության և ներդրումների, այլև մշակութային և մտավոր ժառանգության պահպանման հետ», – նշել է «Wilco» ընկերության գլխավոր գործադիր տնօրեն Իրինա Բելիշևան:
Ձեռք բերված հազվագյուտ գրքերն ու բացառիկ ձեռագրերը Wilco ընկերությունը փոխանցել է «Կերոն» զարգացման հիմնադրամին՝ որպես վստահելի կառույց, որն իր հիմնական առաքելությանը զուգահեռ իրականացնում է մշակութային ժառանգության պահպանման և հանրահռչակման նախաձեռնություններ։
«Կերոն» զարգացման հիմնադրամի գործադիր տնօրեն Վանանե Արարքցյանն իր հերթին շնորհակալություն է հայտնել այդ արժեքավոր մշակությանին ժառանգությունն իրենց նվիրաբերելու համար։
«Մենք անչափ մտահոգ էինք Սամուելյան գրախանութի անգին ժառանգության ճակատագրով և մեզ համար մեծ ուրախություն էր, որ Wilco ընկերությանը հաջողվեց ձեռք բերել բացառիկ գրքերից որոշները և մեզ նվիրաբերել: Մենք ամենայն պատասխանատվությամբ ենք վերաբերվում այս եզակի ձեռագրերի պահպանման ու դրանք ապագա սերունդներին հասանելի դարձնելու գործին և անչափ հպարտ ենք, որ կարող ենք լինել այս կարևոր մշակութային ժառանգության պահապանները»,- նշել է Արարքցյանը։
Հավելենք, որ գրախանութը (Librairie Orientale Hrant Samuelian) հիմնադրվել է լրագրող և արևելագետ Հրանտ Սամուելյանը 1930 թվականին Փարիզի Լատինական թաղամասի կենտրոնում: Նրան հաջողվել էր գնել մեծ գրադարանի սեփականատեր, պոլսահայ Պալենցի հին գրքերի հավաքածուն։ Գրատունը համարվում է աշխարհի ամենաերկար գործող հայկական գրախանութներից մեկը և նշանավոր է իր հազվագյուտ ձեռագրերով, հին գրքերով և արժեքավոր նյութերով, որոնք ներկայացնում են հայկական մշակույթի և պատմության կարևորագույն դրվագներ։ Գրախանութը ղեկավարել են հիմնադիր Հրանտ Սամուելյանը մինչև իր մահը՝ 1977 թվականը, ապա նրա երեխաները՝ Արմեն Սամուելյանը և Ալիս Ասլանյանը։ Սակայն 2016 թվականին գրախանութը փակվել է, իսկ 2025 թվականին Սամուելյանի ժառանգները որոշել են աճուրդի հանել գրախանութում պահպանվող հազվագյուտ գրքերի և ձեռագրերի ամբողջ հավաքածուն, որը մեծ արժեք է ներկայացնում հայկական մշակույթի և պատմության համար։