«Դե՝ թող հանգստացնող եւ այլ միջոցառումներ իրականացնի․ առողջարանային կամ այլ՝ չխորանամ։ Իր խնդիրն է, մեկնաբանելու բան չունեմ»,- ՀՀ առողջապահության նախարար Անահիտ Ավանեսյանի պատասխանն է երկրորդ նախագահ Ռոբերտ Քոչարյանի հայտարարությանը։ Նա ասել էր՝ չի հանգստանա, մինչեւ ՔՊ-ին չհեռացնի իշխանությունից։
Անահիտ Ավանեսյանը հավելեց՝ կարծում է, Ռոբերտ Քոչարյանը նաեւ չի հանգստանում, քանի որ ապօրինի գույքի բռնագանձման բավական մեծ փաթեթ կա, ու գործընթացը հաջողությամբ իրականացվելու է եւ պետությանը մինչեւ վերջին լուման ստանալու է, ինչը նրան կհանգստացնի։
ՔՊ-ի կողմից պետական բյուջեի մսխումների մասին հարցին նա ընդհանրական պատասխանեց, որ 2018-ից ի վեր պետական բյուջեն երկու անգամ ավելացել է, գումարներն ուղղվել են բնակչության բարեկեցության ապահովմանը։ Իսկ թե ինչո՞ւ է պետական պարտքը կրկնակի աճել՝ ասաց՝ չի խորանա այդ հարցերի մեջ։
ՔՊ-ի «ուրախ ավտոբուսի» ծախսերի մասին հարցին էլ պատասխանեց՝ ՔՊ-ն ամենաբաց եւ թափանցիկ կուսակցությունն է եւ կուսակցական ծախսերի մասին լրագրողները կարող են հարցումներ անել։
Անահիտ Ավանեսյանը նաեւ պատասխան չուներ՝ Իրանին հումանիտար օգնություն տրամադրելու առնչությամբ։ Թե ինչո՞ւ է ուշանում Հայաստանից օգնությունը, պատասխանեց՝ ՀՀ ԱԳՆ-ն հայտարարությամբ հանդես կգա։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: