Հունահռոմեականները պայքարը կսկսեն վաղը

Սերբիայի Զրենինյան քաղաքում վաղվանից մրցագորգը կտրամադրվի հունահռոմեական ոճի ըմբշամարտի մինչև 23 տարեկանների Եվրոպայի առաջնության մասնակիցներին։

Այսօր կայացած վիճակահանությունը որոշել է ըստ քաշային կարգերի մեկնարկային գոտեմարտերի զույգերին։ Վաղը պայքարի մեջ ներգրավվելու են 55, 63, 77, 87, 130 կգ քաշային ըմբիշները։ Հայաստանի հավաքականի տղաների մրցակիցներն են.

55 կգ՝ Մանվել Խաչատրյան-Իվան Ստեֆանսկի (Ուկրաինա)

63 կգ՝ Մաքսուդ Սուլթանով (Ուկրաինա)-Արմեն Սուքիասյան

77 կգ՝ Սամվել Տերտերյան-Դոմինիկ Բոտոս (Հունգարիա)

87 կգ՝ Վիգեն Նազարյան-Աշիկո Բոլկվաձե (Վրաստան)

130 կգ՝ Լեոնհարդ Յունգեր (Ավստրիա)-Արամայիս Հարությունյան։

Աշոտ ՀԱԿՈԲՅԱՆ