ԱՄՆ-ն կարող է 20 անգամ մեծացնել Իրանի վրա իր հարվածների ինտենսիվությունը, եթե Թեհրանը արգելափակի Հորմուզի նեղուցով նավթի մատակարարումը։ Այս մասին գրել է ԱՄՆ նախագահ Դոնալդ Թրամփը TruthSocial սոցիալական մեդիա հարթակում։
«Եթե Իրանը որևէ գործողություն ձեռնարկի Հորմուզի նեղուց նավթի մատակարարումը խափանելու համար, ԱՄՆ-ն նրանց կհարվածի 20 անգամ ավելի ուժեղ, քան նախկինում», – ասվում է գրառման մեջ։
Նա նաև նշել է, որ ԱՄՆ-ն «կհարձակվի այն թիրախների վրա, որոնք հեշտ է ոչնչացնել», և որ Իրանը այդ դեպքում «գործնականում չի կարողանա վերականգնվել»։
Հորմուզի նեղուցը նեղ անցուղի է Պարսից և Օմանի ծոցերի միջև։ Այն ռազմավարական նշանակություն ունի, քանի որ այն սպասարկում է աշխարհի նավթի մատակարարումների մոտ 20%-ը և աշխարհի հեղուկացված բնական գազի (ՀԲԳ) արտահանման մոտ 25%-ը։