Գյումրու քաղաքապետ Վարդան Ղուկասյանը այսօր ՀՀ հակակոռուպցիոն դատարանի նիստերի դահլիճից հեռացավ՝ իր կալանքը երկու ամսով երկարացնելը համարելով քաղաքական պատվեր։
Դատական նիստն ավարտվելուն պես՝ Վարդան Ղուկասյանը ներկաներին հորդորեց՝ լավ լինել, տրամադրությունները չգցել, քանի որ իրենք կոտրվող տեսակ չեն։
Երբ դատարանի կարգադրիչը բռնեց նրա ձեռքը՝ շտապեցնելով, որ հեռանա նիստերի դահլիճից, Վարդան Ղուկասյանը բարկացած նրան նայեց ու սաստեց․ «Խոսում եմ, կեցի, ձեռքդ»։
Նա ասաց․ ««Թող էն մարդիկ մտածեն, որ գլուխները կախ ման են գալու հետագայում։ Հո էսպես չի մնալու»։
Երբ լրագրողներից մեկը հետաքրքրվեց նրա կալանքը երկարացնելու մասին, Վարդան Ղուկասյանը հայտարարեց, որ դա քաղաքական պատվեր է։ Այդ ընթացքում կարգադրիչը նրան շտապեցնում էր, թե դուրս եկեք, սակայն Վարդան Ղուկասյանը չտեղաշարժվելով լսեց լրագրողի հարցը, պատասխանեց, նոր լքեց դահլիճը։
Դատական նիստն ամբողջությամբ
Նունե ԱՐԵՎՇԱՏՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: