Բաժանորդագրվել
Ըստ տեղեկությունների՝ «Գազել»-ում 10-ից ավելի ուղևոր է եղել։
ԵՐԵՎԱՆ, 1 մարտի – Sputnik. Երևան-Երասխ ճանապարհին Արարատ-Երասխ-Սուրենավան երթուղին սպասարկող մարդատար «Գազել»-ը և «Kia Forte»-ը բախվել են, ինչի հետևանքով կան վիրավորներ: Տեղեկությունը հայտնում է shamshyan.com-ը:
Դեպքը տեղի է ունեցել Ժամը 11։20-ի սահմաններում:
«Վթարի հետևանքով, 4 հոգի տեղափոխվել են Արարատի բժշկական կենտրոն։ Դեպքի վայր են ժամանել ՀՀ ներքին գործերի նախարարության փրկարարական ծառայության Արարատի հրշեջ-փրկարարական ջոկատից 1 մարտական հաշվարկ: Վթարի փաստով Վեդիի քննչական բաժնում նախաձեռնվել է քրեական վարույթ, որտեղ պարզվում է վարորդների և վիրավորների ինքնությունը»,- գրում է կայքը:
Ըստ տեղեկությունների՝ «Գազել»-ում 10-ից ավելի ուղևոր է եղել։