ԵՐԵՎԱՆ, ՓԵՏՐՎԱՐԻ 27, 24News
«Գեղարդ» գիտավերլուծական հիմնադրամի գիտական պլատֆորմի վրա գործարկվում է «Caucasus Heritage and Identity Studies (CHIS)» հանդեսը, որը հրատարակվում է Կովկասյան ժառանգության և ինքնության ուսումնասիրություններ»-ի միջազգային ասոցիացիայի կողմից։
«Caucasus Heritage and Identity Studies (CHIS)» հանդեսը գիտնականներին, ասպիրանտ-հետազոտողներին առաջարկում է ներկայացնել հոդվածներ՝ առաջիկա համարում հրապարակելու համար։ Հանդեսը միջազգային միջգիտակարգային հարթակ է տրամադրում Կովկասի և հարակից տարածաշրջանների պատմական, մշակութային, լեզվական և սոցիալական ժառանգության վերաբերյալ գիտական ինքնատիպ ուսումնասիրությունների համար։ Այն նպատակ ունի նպաստել գիտական հետազոտությունների տարածմանը, որոնք խորացնում են ժամանակի ընթացքում ինքնության ձևավորման, ժառանգության պահպանության և տարածաշրջանային փոխակերպումների ըմբռնումը։
Խմբագրակազմն ընդունում է միջգիտակարգային թեմաներով հոդվածներ, որոնք առաջարկում են տեսական, փորձարարական կամ համեմատական դիտարկումներ Կովկասի պատմության, ժառանգության, ինքնության և մշակութային շարունակականության ու տարածաշրջանային այլ թեմաներով։
Մանրամասները՝ պարբերականի կայքում․