ՄԱԿ-ի ԱԽ-ն արտահերթ նիստ կգումարի՝ քննարկելու Մերձավոր Արևելքում տիրող իրավիճակը: Հրատապ նիստ կազմակերպելու առաջարկով են հանդես եկել Ֆրանսիան, Բահրեյնը, Կոլումբիան, Չինաստանը և Ռուսաստանը:
ՄԱԿ-ի գլխավոր քարտուղար Անտոնիու Գուտերեշը դատապարտել է Մերձավոր Արևելքում հակամարտության սրումը:
«ԱՄՆ-ի և Իսրայելի կողմից Իրանի դեմ ուժի կիրառումը և դրան հաջորդած Իրանի պատասխան հարվածները ողջ տարածաշրջանում խաթարում են միջազգային խաղաղության և անվտանգության հիմքերը»,- ասել է նա: