Ես իմ մանկությունն եմ կորցրել՝ հայ լինելու պատճառով. Աննա Աստվածատուրյան-Թերքոտ. «Գեղարդ» հիմնադրամ

Սումգայիթում սկսված հայկական ջարդերի ժամանակ Բաքվից, ի թիվս այլ հայերի, ընտանիքի հետ հեռացել է նաև գրող, իրավաբան և մարդու իրավունքների պաշտպան Աննա Աստվածատուրյան-Թերքոթը (Anna Astvatsaturian Turcotte)։ Բռնագաղթի ընթացքում նա իր ողջ ապրումներն ու ականատեսի տպավորությունները գրել է մանկության օրագրում, որը հետագայում դարձավ «Արտաքսում․ դեպի անհայտություն» վերնագրով հուշագրությունը։

«Գեղարդ» հիմնադրամի հետ զրույցում Աննա Աստվածատուրյան-Թերքոթը խոսել է Բաքվում և Սումգայիթում տեղի ունեցած հակահայկական բռնությունների, տեղահանության, իր ինքնության ձևավորման և գոյատևման թեմաներին վերաբերող հարցերի մասին։