Գյումրիում վնասել են ՀՀ նոր՝ կարմիր գույնի անձնագրի գովազդային վահանակը․ 28-ամյա երիտասարդի են ձերբակալել

Aravot.am-ի տեղեկություններով, նոյեմբերի 15-ին՝ գիշերը ժամը 02։00-ի սահմաններում, Գյումրու կայարանամերձ հրապարակում վնասել են ՀՀ քաղաքացու նոր՝ կարմիր գույնի նմուշի անձնագրի գովազդային վահանակը։

Ձերբակալվել է 28-ամյա մի երիտասարդ, որին կայարանամերձ հրապարակում գիշերային ծառայություն իրականացնելիս նկատել են պարեկային ծառայության Շիրակի մարզի գումարտակի 1-ին վաշտի պարեկները։ Նրանք տեսել են, թե ինչպես է երիտասարդը ձեռքերով հարվածել ու վնասել վահանակը։

Պարեկները գույքի դիտավորյալ ոչնչացման կասկածանքով նրան ձերբակալել են, տեղափոխել ոստիկանության «Կումայրի» բաժին, ստուգել են նաև նրա սթափությունը /1005 մգ/։

Կազմված փաստաթղթերն ուղարկել են Շիրակի մարզային քննչական վարչություն, երիտասարդին ևս տեղափոխել են այնտեղ։

Նշենք, որ երիտասարդը չի աշխատում, Գյումրու տնակային թաղերից մեկի բնակիչ է։

Ի դեպ, Factum.am լրատվական կայքը նկարահանել էր վնասված վահանակը։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Leave a comment