ՖԻՖԱ․ Հայաստանի հավաքականը 110-րդ տեղում է

Հայաստանի ազգային հավաքականը Ֆուտբոլի միջազգային ֆեդերացիայի (ՖԻՖԱ) դասակարգման աղյուսակում նահանջել է երկու աստիճան ու զբաղեցնում է 110-րդ տեղը։

Այս ամիս Եղիշե Մելիքյանի գլխավորած թիմն Ազգերի լիգայի խմբային փուլի վերջին խաղերում ոչ-ոքի էր խաղացել Կիպրոսի (1։1) ու Լատվիայի (1։1) հավաքականների հետ։

ՖԻՖԱ-ի դասակարգման աղյուսակի առաջատարն աշխարհի ու Եվրոպայի չեմպիոն Իսպանիայի հավաքականն է։ Երկրորդ տեղում աշխարհի փոխչեմպիոն Արգենտինայի հավաքականն է, լավագույն եռյակը եզրափակում է Ֆրանսիան։

Լավագույն տասնյակում են նաև Անգլիայի, Մարոկկոյի, Պորտուգալիայի, Բրազիլիայի, Բելգիայի, Նիդերլանդների և Կոլումբիայի հավաքականները։

Հիշեցնենք, որ Հայաստանի հավաքականն Ազգերի լիգայում հանդես էր եկել C լիգայի երկրորդ խմբում, որտեղ 6 խաղից հետո 6 միավորով գրավել էր երրորդ տեղը:

Դավիթ Եղիազարյան

Leave a comment