Թուրքիան ու Սիրիան նոր դաշինք են ձևավորում

Թուրքիայի և Սիրիայի արտաքին գործերի նախարարներ Հաքան Ֆիդանը և Ասադ ալ-Շեյբանին Անկարայում համատեղ մամուլի ասուլիս են անցկացրել՝ ամփոփելով երկու երկրների միջև բանակցությունների արդյունքները։

Հանդիպման արդյունքներով Հաքան Ֆիդանը հայտարարել է, որ կողմերը պայմանավորվել են Դամասկոսում թուրք-սիրիական համալսարան հիմնելու մասին։

Թուրքիայի արտգործնախարարը նաև անդրադարձել է Իսրայելի քաղաքականությանը՝ նշելով, որ այն պետք է գիտակցի՝ հարևաններին վնասելու միջոցով սեփական անվտանգությունն ապահովել հնարավոր չէ։

«Իսրայելը պետք է վերջապես հասկանա, որ չի կարող սեփական անվտանգությունն ապահովել՝ վնասելով հարևաններին, և հրաժարվի այդ քաղաքականությունից»,- ասել է Ֆիդանը։

 

Leave a comment