Իրանի մերձակայքում ԱՄՆ ռազմածովային ուժերի խմբավորումն ընդլայնվել է

Իրանի մերձակայքում ԱՄՆ ռազմածովային ուժերի խմբավորումն ընդլայնվել ու հասնել է ավելի քան 20 ռազմանավի։

Սա տեղի է ունեցել Մերձավոր Արևելքի տարածաշրջանում երրորդ ավիակիր հարվածային խմբի ժամանումից հետո․ հայտնել է Միացյալ Նահանգների ռազմածովային ինստիտուտի լրատվական ծառայությունը։

Արաբական ծովում՝ Իրանից հարավ-արևելք, մարտական ​​հերթապահություն են իրականացնում երեք ավիակիրներ՝ «Ջորջ Վաշինգտոն», «Ջորջ Բուշ» և «Թեոդոր Ռուզվելտ»։ Յուրաքանչյուր ավիակիր տեղափոխում է 48 մարտական ​​կործանիչ։

Իրանի մերձակայքում են տեղակայված նաև մեկ հրթիռային հածանավ, 13 կառավարվող հրթիռային զենքով կործանիչ, անօդաչու հետախուզական նավ, ինչպես նաև «Միգել Քիթ» (USS Miguel Keith) էքսպեդիցիոն ծովային բազան։

Բացի այդ, ԱՄՆ ռազմածովային ուժերի երկու կործանիչ տեղակայված է Կարմիր ծովում, իսկ Հնդկական օվկիանոսում տեղակայված են երեք խոշոր դեսանտային նավեր (ծովային հետևակայիններով) ու ևս մեկ կործանիչ։ Դրանից բացի, չորս կործանիչ օպերատիվ առաջադրանքներ է իրականացնում Միջերկրական ծովի արևելյան հատվածում։

Leave a comment