«Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները» թեմայով խորհրդարանական լսումների արդյունքում հրապարակվեց հայտարարության նախագիծ։
Այն ներկայացրեց ԱԺ «Հայաստան» խմբակցության պատգամավոր Արթուր Խաչատրյանը։
Ըստ հայտարարության նախագծի՝ ՀՀ ԱԺ-ն իր լիակատար համերաշխությունն է հայտնում բոլոր քաղբանտարկյալներին, քաղհալածյալներին և նրանց ընտանիքներին ու պահանջում անհապաղ դադարեցնել քաղաքական իշխանության քննադատների նկատմամբ իրականացվող ապօրինի հետապնդումները, ազատ արձակել բոլոր քաղբանտարկյալներին և բացառել դատարանների անկախությունը խաթարող ցանկացած գործողություն։
Ըստ հայտարարության նախագծի՝ պետք է խորհրդարանական վերահսկողություն հաստատել Արսեն Գևորգյանի մահվան հանգամանքները բացահայտելու նպատակով։ Քննել ՔԿՀ-ներում բժշկական օգնություն տրամադրելու համակարգը և ներդնել շուրջօրյա մասնագիտական բժշկական սպասարկման պարտադիր երաշխիքներ, ապահովել քաղաքական դրդապատճառներով ազատազրկված անձանց անհապաղ բուժզննումն ու արձանագրել առողջական խնդիրները՝ վերանայելով խափանման միջոցները։
Հայտարարություն նախագծում նաև նշվում է, որ պետք է վարել կիրառված կալանքների վիճակագրություն, մշտադիտարկել կալանքը որպես խափանման միջոց կիրառելու հիմնավորվածությունը։
Նշենք, որ լսումները կազմակերպել էր «Հայաստան» խմբակցությունը։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: