Ադրբեջանում ձերբակալվել է Դավիթ Իշխանյանի փաստաբանը

Քաղաքականություն

16.11.2026 | 17:16

Բաքվում կալանավորվել է փաստաբան Էլչին Ամիրովը, որը ներկայացնում էր Արցախի ԱԺ-ի նախկին նախագահ Դավիթ Իշխանյանի շահերը։ Ադրբեջանական լրատվամիջոցների հաղորդմամբ՝ Ամիրովը քրեական պատասխանատվության է ենթարկվել քաղաքացու բողոքի հիման վրա։ Նրան մեղադրանքներ են առաջադրվել Ադրբեջանի քրեական օրենսգրքի 178.2.2-րդ հոդվածով (կրկնակի կատարված խարդախություն) և 182-րդ հոդվածով (շորթում)։

Դատարանի որոշմամբ՝ փաստաբանի նկատմամբ որպես խափանման միջոց է ընտրվել երեք ամիս ժամկետով կալանքը։ Ներկայում նա պահվում է Բաքվի քննչական մեկուսարանում։

Էլչին Ամիրովը Դավիթ Իշխանյանի փաստաբանների խմբի անդամներից է եղել։

Հավելենք, որ Դավիթ Իշխանյանը Բաքվում շինծու մեղադրանքներով դատապարտվել է ցմահ ազատազրկման։

Թարգմանությունը՝ Էմմա Չոբանյանի

 

Leave a comment