Կաթողիկոսի գործով ինքնաբացարկ հայտնած դատավորի վերաբերյալ որոշումը կհրապարակվի 3 շաբաթից

https://arm.sputniknews.ru/20261116/katvoghikvosi-gvortsvov-inqnabacark-hajtnats-datavvori-veraberjal-vorvoshumy-khraparakvi-3-shabatic-109384832.html

media@sputniknews.com

+74956456601

MIA „Rossiya Segodnya“

2026

Sputnik Արմենիա

media@sputniknews.com

+74956456601

MIA „Rossiya Segodnya“

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

https://cdn.am.imgsputniknews.ru/img/07ea/08/07/105526236_72:0:1208:852_1920x0_80_0_0_dd23ef98846ff0707c8fcbee54ee68d2.jpg.webp

Sputnik Արմենիա

media@sputniknews.com

+74956456601

MIA „Rossiya Segodnya“

հայաստան, ամենայն հայոց կաթողիկոս գարեգին բ, բարձրագույն դատական խորհուրդ (բդխ)

հայաստան, ամենայն հայոց կաթողիկոս գարեգին բ, բարձրագույն դատական խորհուրդ (բդխ)

Բաժանորդագրվել

Հակոբ Մանուկյանի նկատմամբ կարգապահական վարույթ էր հարուցվել հոկտեմբերի 30-ին։

ԵՐԵՎԱՆ, 16 նոյեմբերի – Sputnik. Ամենայն հայոց կաթողիկոս Գարեգին Երկրորդի և 6 բարձրաստիճան հոգևորականների քրեական գործով ինքնաբացարկ հայտնած դատավոր Հակոբ Մանուկյանին կարգապահական պատասխանատվության ենթարկելու որոշումը կհրապարակվի 3 շաբաթից։

Նշենք, որ կաթողիկոսի և 6 եպիսկոպոսների գործով առաջին դատական նիստը տեղի ունեցավ օգոստոսի 7-ին։ Այդ օրը դատական նիստը դռնփակ սկսվեց, քանի որ Հակոբ Մանուկյանը հայտարարեց` ինչ–որ հարց ունի քննարկելու կաթողիկոսի փաստաբան Արա Զոհրաբյանի հետ, դրանից հետո հայտնի դարձավ, որ դատավորն ինքնաբացարկ է ներկայացրել։ Նա իր այդ քայլը պատճառաբանել էր, որ նախկինում փաստաբան է եղել, իսկ արտոնագիրը հենց Զոհրաբյանն է տվել, երբ փաստաբանների պալատի նախագահն է եղել։ Հակոբ Մանուկյանի նկատմամբ կարգապահական վարույթ էր հարուցվել հոկտեմբերի 30-ին։
Վարույթը կապված է հենց կաթողիկոսի և եպիսկոպոսների գործով ինքնաբացարկ հայտնելու հետ։

Բարձրագույն դատական խորհուրդն այսօր շուրջ 2 ժամ քննեց Մանուկյանին կարգապահական պատասխանատվության ենթարկելու հարցը և կողմերին լսելուց հետո անցավ խորհրդակցական սենյակ։ Որոշումը կհրապարակվի դեկտեմբերի 7-ին։

Հիշեցնենք` երբ Հակոբ Մանուկյանն ինքնաբացարկ հայտնեց, գործը վերաբաշխվեց Արմավիրի մարզի ընդհանուր իրավասության դատարանի դատավոր Սերժ Ռուշանյանին։
Օգոստոսի 28-ին Ռուշանյանը որոշեց գործն ուղարկել Երևանի քրեական դատարան՝ պատճառաբանելով, որ կաթողիկոսին առաջադրված մեղադրանքում հստակեցված չէ, թե որտեղ է ընդունվել Արման Սարոյանին կարգալույծ հռչակելու վերաբերյալ հայրապետական տնօրինությունը։ Մինչդեռ Գերագույն հոգևոր խորհրդի անդամների մեղադրանքում որպես դեպքի վայր նշված է Էջմիածինը։
Երևանում գործը մակագրվեց դատավոր Վահագն Մելիքյանին, որն ընդդատության հարցը պարզելու համար դիմեց վճռաբեկ դատարան։
Վճռաբեկ դատարանը որոշեց, որ գործն ընդդատյա է Արմավիրի մարզի դատարանին՝ քննադատելով այն Երևան ուղարկելու որոշումը։ Ի վերջո, քրեական գործը կրկին վերադարձվեց դատավոր Սերժ Ռուշանյանի վարույթ։

Leave a comment