Կծու սննդի կանոնավոր օգտագործումը կարող է սրել տհաճ ախտանիշները այն մարդկանց մոտ, ովքեր ունեն մարսողական համակարգի քրոնիկ խանգարումներ։
Վիրաբույժ Ալեքսանդր Ումնովը զգուշացնում է, որ գաստրիտ, ստամոքսի կամ տասներկումատնյա աղիքի խոց, նաև թթվային ռեֆլյուքս ունեցող մարդիկ պետք է հատկապես զգույշ լինեն, հայտնում է «Լենտա»-ն։
Մասնագետի խոսքով՝ չափավոր քանակությամբ կծու սնունդը սովորաբար վնաս չի պատճառում առողջ մարդուն և նույնիսկ կարող է խթանել մարսողությունը։ Սակայն որոշակի առողջական խնդիրներ ունեցողների դեպքում նման սնունդը կարող է առաջացնել ցավ, այրոց և այլ տհաճ զգացողություններ։
Կծու պղպեղի հիմնական ակտիվ բաղադրիչը կապսաիցինն է, որը փոխազդում է նյարդային զգայուն վերջույթների հետ՝ առաջացնելով այրող զգացողություն։ Մարսողական համակարգի գերզգայունություն ունեցող մարդկանց մոտ դա կարող է ուժեղացնել տհաճ զգացողությունները. սա հատկապես վերաբերում է նրանց, ովքեր տառապում են գաստրոէզոֆագեալ ռեֆլյուքսային հիվանդությամբ (ԳԷՌՀ), գաստրիտով կամ ստամոքսի խոցով։
Զգուշություն է խորհուրդ տրվում նաև աղիների բորբոքային հիվանդություններ, օրինակ՝ Կրոնի հիվանդություն ունեցող պացիենտներին։ Թեև ապացուցված չէ, որ կծու սնունդն է առաջացնում այդ հիվանդությունները, դրա ազդեցությունը ախտանիշների վրա յուրաքանչյուր մարդու մոտ տարբեր է։
Ումնովը նաև նշել է կծու պղպեղի չափից ավելի օգտագործման հնարավոր երկարաժամկետ հետևանքների մասին։ Որոշ ուսումնասիրություններ ցույց են տվել կապ նման սննդակարգի և կերակրափողի քաղցկեղի առաջացման ռիսկի մեծացման միջև, թեև գիտնականները դեռևս չեն հաստատել ուղղակի պատճառահետևանքային կապը։
Լրացուցիչ անհարմարություն կարող է առաջանալ, երբ կծու ուտեստները համակցվում են ալկոհոլի, ճարպոտ սննդի, գազավորված ըմպելիքների կամ ցիտրուսային մրգերի հետ։ Բացի այդ, որոշ մարդիկ կարող են ունենալ հատուկ անհանդուրժողականություն կծու ուտեստներում պարունակվող որոշ բաղադրիչների նկատմամբ։ Մասնագետը խորհուրդ է տալիս մարսողական համակարգի կամ սրտանոթային համակարգի քրոնիկ հիվանդություններ ունեցողներ