ՆԳՆ ոստիկանության քրեական ոստիկանության գլխավոր վարչության Գեղարքունիքի մարզային վարչությունում օպերատիվ տեղեկությունների իրացման արդյունքում տվյալներ են ձեռք բերվել Ճամբարակի համայնքապետ Վազգեն Ադամյանի կողմից հնարավոր չարաշահումների վերաբերյալ։
Ըստ աղբյուրի՝ 43-ամյա Վազգեն Ադամյանը, «Բուսաբուծության աջակցության ծրագիր» շրջանակում, Գեղարքունիքի մարզի Ճամբարակ համայնքի երեք բնակիչների հետ կազմել և կնքել է ծրագրին մասնակցության վերաբերյալ պայմանագրեր։ Ըստ ՍԷԿՏ համակարգի տվյալների՝ պայմանագրերի կնքման օրերին այդ քաղաքացիները գտնվել են արտերկրում։
SHAMSHYAN.com-ի փոխանցմամբ՝ իրավապահները կասկածում են, որ կեղծ փաստաթղթերի կազմման արդյունքում պետությունից հափշտակվել է խոշոր չափի գումար, ինչի հետևանքով պետությանը պատճառվել է զգալի վնաս։
Դեպքի առթիվ Գեղարքունիքի մարզային քրեական վարչությունում կազմված փաստաթղթերն ուղարկվել են ՀՀ Հակակոռուպցիոն կոմիտե։
Վազգեն Ադամյանը Ճամբարակ խոշորացված համայնքի ղեկավարն է։