Ամերիկացի աստվածաբան Ջերալդ Մաքդերմոտն անդրադարձել է քրիստոնեության կարևորությունը հայ ազգային ինքնության համար, Սյունիք կատարած այցի տպավորություններին և Լեռնային Ղարաբաղում հայերի ճակատագրին։ Նա այդ մասին գրել է First Things ամսագրում:
Հեղինակը նկարագրում է սեպտեմբերի կեսերին Սյունիքի մարզի գյուղապետերի հետ հանդիպումը։ Նրա խոսքով, երբ Սվարանց գյուղի գյուղապետը հարցրել է, թե ինչ կանեն բնակիչները ադրբեջանական հարձակման դեպքում, նա պատասխանել է. «Մենք կպայքարենք»։
Մաքդերմոտը գրում է, որ շատ հայերի համար քրիստոնեությունը մնում է իրենց անձնական և ազգային ինքնության անբաժանելի մասը։ Նա դա կապում է Հայաստանի պատմական դերի հետ՝ որպես պետական մակարդակով քրիստոնեությունն ընդունած առաջին երկիր, ինչպես նաև հավատքի պահպանման դարավոր պատմության հետ։
Հոդվածի զգալի մասը նվիրված է Օսմանյան կայսրությունում տեղի ունեցած Հայոց ցեղասպանությանը, հայկական մշակութային ժառանգության ոչնչացմանը և 2023 թվականին Լեռնային Ղարաբաղից հայերի արտագաղթին։ Հեղինակը նաև քննարկում է Ադրբեջանի ղեկավարության հայտարարությունները «պատմական ադրբեջանական հողերի» վերաբերյալ և Հայաստանի սահմանամերձ շրջանների բնակիչների մտահոգությունները։
Եզրափակիչ բաժնում Մաքդերմոտը քննարկում է հայ և թուրք քրիստոնյա առաջնորդների միջև շփումները: Նա մեջբերում է թուրք հովվի պատմությունը, որը վախենում էր, որ իր նախնիների պատմական պատասխանատվության ճանաչումը կհանդիպի հայ հոգևորականության զայրույթին, բայց նրան ընդունեցին բաց ձեռքերով։
Հեղինակը հոդվածն ավարտում է՝ անդրադառնալով հայերի քաջությանը, ովքեր, նրա գնահատմամբ, ձգտում են պաշտպանել իրենց հավատքն ու ազգային ինքնությունը։
Սյունիքը Հայաստանի հարավային շրջան է, որը սահմանակից է Ադրբեջանին և Իրանին: Ենթակառուցվածքները նախատեսվում է անցկացնել տարածաշրջանով TRIPP (Trump Route for International Peace and Prosperity) նախագծի շրջանակներում: Նախագիծը նախատեսված է ապահովել Ադրբեջանի մայրցամաքային մասի և Նախիջևանի միջև տրանսպորտային կապերը Հայաստանի միջոցով: Այն համաձայնեցվել էր ԱՄՆ նախագահ Դոնալդ Թրամփի, ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի կողմից Սպիտակ տանը 2025 թվականի օգոստոսի 8-ին կայացած գագաթնաժողովում: