Հոկտեմբերի 10-ին Լեհաստանի Բելխատով քաղաքում՝ One Punch K-1 գալայի շրջանակում, անցկացվեց քիք-բոքսինգի պրոֆեսիոնալ մենամարտ, որին մասնակցեց ծագումով աշտարակցի 23-ամյա Ժորա Սիմոնյանը։
Մենամարտը բաղկացած էր 5 ռաունդից՝ յուրաքանչյուրն 3 րոպե տևողությամբ։ Հայ մարզիկը պայքարում էր Լեհաստանի պրոֆեսիոնալ չեմպիոնի գոտու համար՝ կրկին հանդիպելով այն մրցակցին, որի դեմ անցկացրել էր իր առաջին պրոֆեսիոնալ մենամարտը։
Նա հաղթեց և նվաճեց Լեհաստանի պրոֆեսիոնալ չեմպիոնի տիտղոսը K-1-ում, ու մինչ ողջ դահլիճը հոտնկայս ծափահարում էր 23-ամյա աշտարակցի չեմպիոնին, նա հայտարարեց, որ իր այս հաղթանակը նվիրում է Արցախյան 44-օրյա պատերազմում նահատակված, լեգենդ դարձած բոլոր հերոսների անմար հիշատակին։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: