Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, որ Կարս–Իգդիր–Դիլուջու երկաթուղին կնպաստի Հայաստանի, Ադրբեջանի և Թուրքիայի միջև տրանսպորտային հաղորդակցության ամրապնդմանը։
«Կարս–Իգդիր–Դիլուջու երկաթուղային գծի շնորհիվ մենք ամրապնդում ենք Հայաստանի, Ադրբեջանի և Թուրքիայի միջև երկաթուղային հաղորդակցությունը»,-ասել է նա, հայտնում է APA-ն:
Նախարարը տեղեկացրել է, որ 224 կիլոմետր ընդհանուր երկարությամբ երկաթուղային նախագծի իրականացման աշխատանքները շարունակվում են։
Նա հավելել է, որ Անկարան շարունակում է նոր նախագծերի իրականացումը, որոնք ուղղված են տարածաշրջանում տրանսպորտային հաղորդակցության զարգացմանը և երկաթուղային ցանցի ամրապնդմանը։
Կարս–Իգդիր–Դիլուջու երկաթուղին կառուցվում է Թուրքիայի արևելքում: Այն ճյուղավորվում է արդեն գործող Կարս-Թբիլիսի գծից՝ 12-րդ կմ-ում, և անցնում է Իգդիր և Արալիկ քաղաքներով մինչև Դիլուջու սահմանակետը՝ Նախիջևանի հետ սահմանին: