Դեկտեմբերին կայանալու են Հայաստանի ֆուտբոլի ֆեդերացիայի նախագահի ընտրությունները։
Ըստ @bagramyan26-ի տեղեկությունների՝ ամենահավանական թեկնածուն Դենիս Ջորկաեֆն է։
Բացի այն, որ լինելով Ֆրանսիայում Հայաստանի պատվավոր հյուպատոս՝ Ջորկաեֆը գործով է ապացուցել ոչ միայն իր սերը Հայաստանի հանդեպ, այլև իր կազմակերպչական հմտությունները, նա ողջ կյանքն ապրել է ֆուտբոլային մթնոլորտում և հրաշալիորեն հասկանում է ինչպես ֆուտբոլից, այնպես էլ ֆուտբոլային բյուրոկրատիայից։
Եվ դա զարմանալի չէ, քանի որ Դենիս Ջորկաեֆը՝
* Հայտնի ֆուտբոլիստ (Ֆրանսիայի հավաքականի ավագ) և մարզիչ Ժան Ջորկաեֆի ավագ որդին է
* Ինքը ևս հանդես է եկել որպես պրոֆեսիոնալ ֆուտբոլիստ
* Պրոֆեսիոնալ ֆուտբոլիստ Միշա Ջորկաեֆի եղբայրն է
* Աշխարհի և Եվրոպայի չեմպիոն Յուրի Ջորկաեֆի եղբայրն է
* Ֆուտբոլային գործակալ է, այդ թվում՝ Յուրի Ջորկաեֆի գործակալը
Տելեգրամյան ալիքը շեշտում է, որ հայկական ֆուտբոլում արմատական բարեփոխումներ են անհրաժեշտ և համոզվածություն հայտնել, որ Դենիս Ջորկաեֆը հենց իր ունակությունների ու փորձի շնորհիվ կիրականացնի այդ բարեփոխումները։