Արգենտինայի առաջնության (Կլաուսուրա) 11-րդ տուրում «Բենֆիլդը» 1:1 հաշվով է ավարտել «Ռոսարիո Սենտրալի» դեմ տնային հանդիպումը։
«Բենֆիլդի» կազմում խաղի հաշիվը 41-րդ րոպեին գեղեցիկ հարվածով բացել է Հայաստանի ազգային հավաքականի թեկնածու Թոմաս Ադորյանը:
83-րդ րոպեին 24-ամյա կիսապաշտպանը փոխարինվել է վնասվածքի պատճառով: Դա Ադորյանի առաջին գոլն էր ընթացիկ առաջնությունում:
Հիշեցնենք, որ Թոմաս Ադորյանն անցյալ տարի է նորամուտը նշել Հայաստանի հավաքականում, որի կազմում մասնակցել է երկու ընկերական հանդիպման։ Եղիշե Մելիքյանի նշանակումից հետո կիսապաշտպանը չի հրավիրվել ազգային թիմ։
Դավիթ Եղիազարյան