ՏԿԵ նախարար Դավիթ Խուդաթյանը ընդունել է Գերմանիայի Դաշնային Հանրապետության Լայպցիգի քաղաքապետ Բուրկհարդ Յունգին։ Այդ մասին նախարարը գրառում է արել սոցցանցում։ Հանդիպմանը ներկա էին նաև ԳԴՀ-ում ՀՀ դեսպան Վիկտոր Ենգիբարյանը և ՀՀ-ում ԳԴՀ դեսպան Կլաուդիա Բուշը։
Հանդիպման ընթացքում անդրադարձ է եղել համայնքների խոշորացման, լիազորությունների ապակենտրոնացման գործընթացներին։ Քննարկվել են նաև միջտարածաշրջանային համագործակցության ընդլայնման հնարավորությունները։
Դավիթ Խուդաթյանն ընդգծել է, որ Լայպցիգի փորձը կարող է օգտակար լինել Հայաստանի համայնքների համար, և պատրաստակամություն է հայտնել աջակցելու գործնական կապերի ու համատեղ ծրագրերի ձևավորմանը։
Քննարկվել են ենթակառուցվածքների, էներգաարդյունավետության և կանաչ զարգացման ուղղությունները։