Թուրքիայում ձերբակալվել է 59 կասկածյալ, այդ թվում՝ Մերսինի քաղաքապետ Վահապ Սեչերը, Ենիշեհիր և Մեզիթլի մունիցիպալիտետների ղեկավարներ Աբդուլլահ Օզիիգիթը և Ահմեդ Սերքան Թունջերը։
Երեքն էլ ընդդիմադիր Ժողովրդահանրապետական կուսակցության (CHP) անդամներ են։
Քննիչների հայտնել են, որ Մերսինում, Մեզիտլիում և Ենիշեհիրում կեղծված մրցույթների և գնումների գործընթացների հետևանքով պետական բյուջեին հասցված վնասը տատանվում է հարյուրավոր միլիոններից մինչև միլիարդավոր լիրաների սահմաններում։ Նմանատիպ սխեմաներ նախկինում «բացահայտվել են» նաև CHP-ի կողմից ղեկավարվող այլ համայնքներում, որտեղ պաշտոնյաներին մեղադրանքներ են առաջադրվել կազմակերպված հանցավոր խմբերի ստեղծման, քաղաքաշինական կանոնակարգերի հետ կապված կաշառակերության և կապալառուների նկատմամբ հարկադրանքի կիրառման համար։
Բացի այդ, առանձին հետաքննություն է ընթանում Մեզիտլիի քաղաքապետ Ահմեդ Սերքան Թունջերի դեմ՝ քաղաքական ընդդիմախոսների և լրատվական ընկերությունների գրասենյակների վրա իրականացված զինված հարձակումներին մասնակցելու մեղադրանքների առնչությամբ։