Գորիսի քաղաքապետ Առուշ Առուշանյանը լրագրողների հետ զրույցում անդրադարձել է վարչապետ Նիկոլ Փաշինյանի օրակարգին միանալու և «Քաղաքացիական պայմանագիր» կուսակցության հետ կոալիցիա կազմելու վերաբերյալ հարցին։
«Եթե չկիսեի Նիկոլ Փաշինյանի վարած քաղաքականությունը, կոալիցիա չէինք կազմի»,- ասել է Առուշանյանը, հայտնում է Aysor.am-ը:
Հոկտեմբերի 25-ին նախատեսված Գորիս համայնքի՝ համամասնական ընտրակարգով ընտրություններին ՔՊ-ի թեկնածուն դարձել է նախկինում ընդդիմադիր դիրքերից հանդես եկած Առուշ Առուշանյանը։ Նա իր «Բիզնես» կուսակցությամբ ընտրություններին մասնակցելու է ՔՊ-ի հետ ձևավորված «Համերաշխություն» դաշինքի կազմում։
Առուշանյանը հրաժարվել է լրագրողների մյուս հարցերին պատասխանել։
Գորիսի քաղաքապետ Առուշ Առուշանյանն ավելի վաղ հանդես է եկել ընդդիմադիր հայտարարություններով։ Մասնավորապես՝ Արցախի կորստի համար նա մեղադրել էր Նիկոլ Փաշինյանին։