ՄԱԿ-ի գլխավոր քարտուղար Անտոնիո Գուտերեշը կոչ է արել Իսրայելի իշխանություններին դադարեցնել ռազմական գործողությունները Հարավային Լիբանանում: Այս մասին հայտարարվել է Գուտերեշի գրասենյակի հայտարարության մեջ։
«Գլխավոր քարտուղարը խորը մտահոգություն է հայտնում Հարավային Լիբանանում, մասնավորապես Նաբաթիե շրջանում Իսրայելի ռազմական գործողության սրման վերաբերյալ։ Նա դատապարտում է քաղաքացիական բնակչության շրջանում զոհերի թվի աճը։ <...> Գլխավոր քարտուղարը կոչ է անում անհապաղ դադարեցնել ռազմական գործողությունները», – նշված է հայտարարության մեջ։
Ավելի վաղ Լիբանանի բանակի ղեկավարությունը Իսրայելի ռմբակոծություններից հետո հրամայել էր զորքերին ուժեղացնել պարեկային գործողություններ Նաբաթիե նահանգի բնակեցված տարածքներում։
Սեպտեմբերի 4-ին Իսրայելի պաշտպանության նախարար Իսրայել Կացը հայտարարել էր, որ իսրայելական ուժերը չեն լքի Լիբանանը, մինչև շիական «Հեզբոլլահ» շարժման զինված ստորաբաժանումները չզինաթափվեն։ Նա նաև մեկնաբանել էր իսրայելական զինվորականների կողմից Ալի ալ-Թահիր լեռնաշղթայի երկայնքով բարձունքների գրավումը՝ նշելով, որ այս գործողությունը նշանակալի քայլ է զինյալ խմբավորման զինաթափման ուղղությամբ։