ԵՐԵՎԱՆ, ՓԵՏՐՎԱՐԻ 11, 24News
Արմավիրի մարզի առաջին ատյանի ընդհանուր իրավասության քաղաքացիական դատարանի դատավոր Սիմա Աբովյանը փետրվարի 10-ին որոշում է կայացրել վերադարձնել Ստեփան Ասատրյանի (նախկին Տեր Արամ) հայցադիմումն ընդդեմ «Հայաստանյայց Առաքելական Սուրբ Եկեղեցի» կրոնական կազմակերպության։
Ըստ որոշման՝ հայցադիմումում առկա թերությունները վերացնելու համար հայցվորին տրամադրվել է եռօրյա ժամկետ։
Հիշեցնենք, որ Ստեփան Ասատրյանը պահանջում էր Ամենայն Հայոց Հայրապետի տնօրինությունն անվավեր ճանաչել և իրեն վերականգնել Հովհաննավանքի Հոգևոր հովվի պաշտոնում։
Դատավոր Պարգև Մելքոնյանը ևս որոշում է կայացրել վերադարձնել Արամայիս Թախմազյանի (նախկին Տեր Թադե) հայցադիմումը։ Հայցադիմումում առկա թերությունները վերացնելու համար հայցվորին տրամադրվել է եռօրյա ժամկետ։
Նշենք, որ Արամայիս Թախմազյանն էլ պահանջում էր իրեն վերականգնել Թալինի տարածաշրջանի հոգևոր հովվի պաշտոնում։
Հասմիկ Սարգսյան
—00—ԼԱ