Սլովակիայում երկու անձ ձերբակալվել է երկրի արևելքում անօդաչու թռչող սարքերի արտադրության գործարանը հրկիզելու դավադրության կասկածանքով, իսկ երրորդ կասկածյալը ձերբակալվել է Գերմանիայում, երեքշաբթի օրը հայտնել է Սլովակիայի ոստիկանությունը։
Ըստ ոստիկանների՝ հանցագործության դեմ պայքարի ստորաբաժանման աշխատակիցները կանխել են հրկիզումը, նպատակը պետք է լիներ անօդաչու թռչող սարքերի համակարգեր արտադրող ձեռնարկությունը։
Ոստիկանությունը նշել է, որ մեղադրանք է առաջադրվել երեք օտարերկրյա քաղաքացիների, որոնց քաղաքացիությունը չի նշվել։
«Երկու մեղադրյալ ձերբակալվել է Սլովակիայում։ Երրորդ մեղադրյալը ձերբակալվել է գերմանական իշխանությունների կողմից եվրոպական օրդերի հիման վրա», – հայտնել է իրավապահ կառույցը։