https://arm.sputniknews.ru/20260825/erevani-masnagitacvats-dprvocum-ksteghtsvi-ashkhatanqajin-terapiaji-zhamanakakic-jermvoc-106108711.html
Երևանի մասնագիտացված դպրոցում կստեղծվի աշխատանքային թերապիայի ժամանակակից ջերմոց
Երևանի մասնագիտացված դպրոցում կստեղծվի աշխատանքային թերապիայի ժամանակակից ջերմոց
Sputnik Արմենիա
Ջեռուցման և լուսավորության համակարգերը թույլ կտան պարապմունքներն անցկացնել ամբողջ տարվա ընթացքում։ Շինարարությունը նախատեսվում է ավարտել երկու ամսում։ 25.08.2026, Sputnik Արմենիա
2026-08-25T17:13+0400
2026-08-25T17:13+0400
2026-08-25T17:13+0400
«ռոսսոտրուդնիչեստվո»
հայաստան
դպրոց
ջերմոց
https://cdn.am.sputniknews.ru/img/07ea/08/19/106108901_0:67:1280:787_1920x0_80_0_0_21b960ca0ea19b2e5d347192f5767146.jpg.webp
ԵՐԵՎԱՆ, 25 օգոստոսի – Sputnik. Հենաշարժողական համակարգի խանգարումներ ունեցող երեխաների թիվ 17 մասնագիտացված դպրոցում, որը միակ նման ուսումնական հաստատությունն է Հայաստանում, կբացվի տեխնոլոգիայի և աշխատանքային թերապիայի դասերի համար նախատեսված 100 քմ մակերեսով ժամանակակից ջերմոց: Այս մասին հայտնում է Հայաստանում Ռուսական տունը։Ադապտացված ջերմոցի կառուցման մեկնարկը տրվել է այսօր։ Համագործակցության մասին համաձայնագիրը ստորագրել են դպրոցի տնօրեն Անի Գարեգինյանը և «Ռուսական մարդասիրական առաքելություն» ՀԿ-ի գլխավոր տնօրեն Սերգեյ Շևչուկը՝ Հայաստանում «Ռոսսոտրուդնիչեստվոյի» ներկայացուցչության ղեկավար Վադիմ Ֆեֆիլովի մասնակցությամբ:Ջեռուցման և լուսավորության համակարգերը թույլ կտան պարապմունքներն անցկացնել ամբողջ տարվա ընթացքում։ Շինարարությունը նախատեսվում է ավարտել երկու ամսում։Ջերմոցում երեխաները կսովորեն աճեցնել կանաչի, վարունգ և լոլիկ: Դպրոցի փոխտնօրեն Լիաննա Մանվելյանի խոսքով՝ նախկինում աշակերտները կարողանում էին հենց դասարաններում ամանների մեջ կանաչի աճեցնել և բերք ստանալ, սակայն բանջարեղեն աճեցնելու հնարավորություն չունեին: Նրա խոսքով՝ երեխաների համար հատկապես կարևոր է գործնական հմտություններ ձեռք բերելը, իսկ ջերմոցը թույլ կտա սովորել դրանք ժամանակակից կահավորված տարածքում:Դպրոցում սովորում են 1-ից 9-րդ դասարանի 130-ից ավելի երեխաներ: Հետագայում նախատեսվում է ստեղծել մշտական հարթակ, որտեղ աշակերտները կկարողանան ձեռք բերել մեծահասակների կյանքում անհրաժեշտ գործնական հմտություններ:Նախագիծն իրականացվում է «Ռոսսոտրուդնիչեստվոյի» հովանու ներքո՝ «Ռուսաստանը ձեզ հետ է» ծրագրի շրջանակներում՝ Ռուսական մարդասիրական առաքելության աջակցությամբ:Երևանում Ռուսական տունը դպրոցի հետ համագործակցում է ավելի քան երեք տարի: Անցյալ տարվա դեկտեմբերին, «Բարի առաքելություն» ծրագրի շրջանակներում, ռուսաստանցի վերականգնողական և ֆիզիոլոգիական թերապևտները այստեղ երեխաների հետ անցկացրել են դասեր, ինչպես նաև ծնողներին և ուսուցիչներին խորհրդատվություն մատուցե:
2026
Լուրեր
am_HY
https://cdn.am.sputniknews.ru/img/07ea/08/19/106108901_71:0:1210:854_1920x0_80_0_0_7115d3e421c58d717256db9c34471b90.jpg.webp
«ռոսսոտրուդնիչեստվո», հայաստան, դպրոց, ջերմոց
«ռոսսոտրուդնիչեստվո», հայաստան, դպրոց, ջերմոց
Ջեռուցման և լուսավորության համակարգերը թույլ կտան պարապմունքներն անցկացնել ամբողջ տարվա ընթացքում։ Շինարարությունը նախատեսվում է ավարտել երկու ամսում։
ԵՐԵՎԱՆ, 25 օգոստոսի – Sputnik. Հենաշարժողական համակարգի խանգարումներ ունեցող երեխաների թիվ 17 մասնագիտացված դպրոցում, որը միակ նման ուսումնական հաստատությունն է Հայաստանում, կբացվի տեխնոլոգիայի և աշխատանքային թերապիայի դասերի համար նախատեսված 100 քմ մակերեսով ժամանակակից ջերմոց: Այս մասին հայտնում է Հայաստանում Ռուսական տունը։
Ադապտացված ջերմոցի կառուցման մեկնարկը տրվել է այսօր։ Համագործակցության մասին համաձայնագիրը ստորագրել են դպրոցի տնօրեն Անի Գարեգինյանը և «Ռուսական մարդասիրական առաքելություն» ՀԿ-ի գլխավոր տնօրեն Սերգեյ Շևչուկը՝ Հայաստանում «Ռոսսոտրուդնիչեստվոյի» ներկայացուցչության ղեկավար Վադիմ Ֆեֆիլովի մասնակցությամբ:
«10×10 մետր չափի ջերմոցը կհարմարեցվի՝ հաշվի առնելով աշակերտների կարիքները. նախատեսված են լայն անցուղիներ, հատուկ թեքահարթակներ, մահճակալների հարմարավետ բարձրություն և վնասվածքների ռիսկը նվազեցնելու հնարավորություններ», – նշել է Սերգեյ Շևչուկը:
Ջեռուցման և լուսավորության համակարգերը թույլ կտան պարապմունքներն անցկացնել ամբողջ տարվա ընթացքում։ Շինարարությունը նախատեսվում է ավարտել երկու ամսում։
Ջերմոցում երեխաները կսովորեն աճեցնել կանաչի, վարունգ և լոլիկ: Դպրոցի փոխտնօրեն Լիաննա Մանվելյանի խոսքով՝ նախկինում աշակերտները կարողանում էին հենց դասարաններում ամանների մեջ կանաչի աճեցնել և բերք ստանալ, սակայն բանջարեղեն աճեցնելու հնարավորություն չունեին: Նրա խոսքով՝ երեխաների համար հատկապես կարևոր է գործնական հմտություններ ձեռք բերելը, իսկ ջերմոցը թույլ կտա սովորել դրանք ժամանակակից կահավորված տարածքում:
Դպրոցում սովորում են 1-ից 9-րդ դասարանի 130-ից ավելի երեխաներ: Հետագայում նախատեսվում է ստեղծել մշտական հարթակ, որտեղ աշակերտները կկարողանան ձեռք բերել մեծահասակների կյանքում անհրաժեշտ գործնական հմտություններ:
Նախագիծն իրականացվում է «Ռոսսոտրուդնիչեստվոյի» հովանու ներքո՝ «Ռուսաստանը ձեզ հետ է» ծրագրի շրջանակներում՝ Ռուսական մարդասիրական առաքելության աջակցությամբ:
Երևանում Ռուսական տունը դպրոցի հետ համագործակցում է ավելի քան երեք տարի: Անցյալ տարվա դեկտեմբերին, «Բարի առաքելություն» ծրագրի շրջանակներում, ռուսաստանցի վերականգնողական և ֆիզիոլոգիական թերապևտները այստեղ երեխաների հետ անցկացրել են դասեր, ինչպես նաև ծնողներին և ուսուցիչներին խորհրդատվություն մատուցե: