Հասարակություն
19.08.2026 | 22:34
ՀՀ հակակոռուպցիոն կոմիտեում նախաձեռնված քրեական վարույթի շրջանակում ձերբակալվել է Վանաձորի համայնքապետարանի կողմից իրականացվող ծրագրի ղեկավար Ն. Լ.-ն: Վերջինս մեղադրվում է կաշառք ստանալու, իրեն վստահված գույքի հափշտակության, փողերի լվացման և պաշտոնեական կեղծիք կատարելու մեջ: Այս մասին Factor TV-ի հարցին ի պատասխան հայտնում են Հակակոռուպցիոն կոմիտեից:
«Ձերբակալվել է նաև նույն ծրագրի փորձագետը, ով մեղադրվում է կաշառք ստանալուն օժանդակելու մեջ։
Նախաքննության շահերից ելնելով՝ այս պահին այլ տեղեկատվություն չենք կարող տրամադրել»,- հայտնում են կոմիտեից:
Նշենք, որ մեր տեղեկություններով ձերբակալված փորձագետը Դավիթ Մելքոնյանն էլ, իսկ Ն.Լ.-ն՝ Նատալյա Լափաուրին: «Ազատություն» ռադիոկայանի տեղեկություններով` Լափաուրին Վանաձորում և Գյումրիում 4 տարի ղեկավարել է ԵՄ-ի 4 միլիոն եվրո արժողության ծրագիրը։
Արաքս Մամուլյան