Մարտուն Գրիգորյանը երկու ամսով կալանավորվել է

Դատարանը «Բարգավաճ Հայաստան» կուսակցության ցուցակով պատգամավորի թեկնածու առաջադրված Մարտուն Գրիգորյանի նկատմամբ կիրառել է կալանք երկու ամիս ժամկետով: Այս մասին հայտնել է փաստաբան Արսեն Բաբայանը։

Գրիգորյանը կալանավորվել էր ընտրական հանցագործության դեպքով նախաձեռնված քրեական վարույթի շրջանակում։ Հակակոռուպցիոն կոմիտեն հայտնել էր, որ նա նույն վարույթով ներգրավված է որպես մեղադրյալ, իսկ ձերբակալվել էր՝ դատարան ներկայացնելու և կալանքը որպես խափանման միջոց կիրառելու նպատակով։