https://arm.sputniknews.ru/20260807/wildberries-y-vatsharqvov-zbaghvvoghneri-apranqn-anvtang-vajrum-pahelu-mijvoc-e-gtel-105519888.html
«Wildberries»-ը վաճառքով զբաղվողների ապրանքն անվտանգ վայրում պահելու միջոց է գտել
«Wildberries»-ը վաճառքով զբաղվողների ապրանքն անվտանգ վայրում պահելու միջոց է գտել
Sputnik Արմենիա
Ընկերությունը հայտեր է ընդունում Ռուսաստանի բոլոր սուբյեկտներում տարածքների սեփականատերերից և վարձակալներից: 07.08.2026, Sputnik Արմենիա
2026-08-07T15:30+0400
2026-08-07T15:30+0400
2026-08-07T15:31+0400
վայլդբերիզ (wildberries)
ռուսաստան
պահեստ
վաճառք
https://cdn.am.sputniknews.ru/img/07e7/0c/0b/69916610_0:0:1600:901_1920x0_80_0_0_995af5248cbb7a6912e75ec0b1483f1a.jpg.webp
ԵՐԵՎԱՆ, 7 օգոստոսի – Sputnik. «Wildberries»-ը ընկերության պահեստների վրա ուկրաինական զինուժի հարձակումներից տուժած վաճառողներին աջակցելու նպատակով նախաձեռնել է գործընկերային ծրագիր, որի շրջանակում ազատ տարածքներ ունեցող ձեռնարկատերերը կկարողանան պահեստ բացել մարկետփլեյսի վաճառողների համար և գումար վաստակել ապրանքների ընդունման, պահպանման և առաքման միջոցով:««Wildberries»-ը (ընդգրկված է RWB խմբի կազմում) սկսում է ապրանքների պահեստավորման և մշակման համար հանգույցներ բացելու նոր գործընկերային ծրագիր։ Նախաձեռնությունը կդառնա հարթակի գործընկերների աջակցության միջոցառումների համալիրի մաս»,-ասվում է ընկերության մամուլի ծառայության հաղորդագրության մեջ։Նշվում է, որ հարմար տարածքների սեփականատերերն ու վարձակալները կկարողանան գործընկերային հանգույց բացել և վարձատրություն ստանալ առցանց առևտրի հարթակի վաճառողների ապրանքների պահպանման և առաքման համար:Ընկերությունն այժմ հայտեր է ընդունում Ռուսաստանի բոլոր սուբյեկտներում տարածքների սեփականատերերից և վարձակալներից և նշում, որ նախագծի հետագա աշխարհագրությունը կորոշվի՝ հաշվի առնելով պոտենցիալ գործընկերների հետաքրքրությունը։«Wildberries»-ի հիմնադիր Տատյանա Կիմի կարծիքով` դա թույլ կտա պատվերներն ավելի արագ հասցնել հաճախորդներին, իսկ ապրանքների հանձնման կետերի սեփականատերերին և համապատասխան տարածքներ ունեցող ձեռնարկատերերին՝ ընդլայնել իրենց հնարավորությունները և ստանալ եկամտի լրացուցիչ աղբյուր:Ակնկալվում է, որ նոր գործընկերները կընդունեն, կհավաքեն և կառաքեն ապրանքները, ինչպես նաև դրանք կհասցնեն տեսակավորման կենտրոններ:Տարածքի վերաբերյալ պահանջներին և համագործակցության պայմաններին կարելի է ծանոթանալ sklad.wb.ru կայքում։Հիշեցնենք, որ վերջին շրջանում ընկերության մի շարք լոգիստիկ կենտրոններ ուկրաինական ԱԹՍ-ների հարձակումների են ենթարկվել։ Մարկետփլեյսը տուժած ձեռներեցներին աջակցելու նախաձեռնություններ է իրականացնում։ՌԴ փոխվարչապետ Ալեքսանդր Նովակը հանձնարարել է մշակել նրանց աջակցության միջոցներ։ Այդ աշխատանքները կիրականացնեն տնտեսական զարգացման, ֆինանսների նախարարությունները և Դաշնային հարկային ծառայությունը Կենտրոնական բանկի և ձեռնարկատերերի ասոցիացիաների հետ համատեղ:
2026
Լուրեր
am_HY
https://cdn.am.sputniknews.ru/img/07e7/0c/0b/69916610_145:0:1569:1068_1920x0_80_0_0_0ee90368654f2e5be17b5b96bb39f661.jpg.webp
վայլդբերիզ (wildberries) , ռուսաստան, պահեստ, վաճառք
վայլդբերիզ (wildberries) , ռուսաստան, պահեստ, վաճառք
Ընկերությունը հայտեր է ընդունում Ռուսաստանի բոլոր սուբյեկտներում տարածքների սեփականատերերից և վարձակալներից:
ԵՐԵՎԱՆ, 7 օգոստոսի – Sputnik. «Wildberries»-ը ընկերության պահեստների վրա ուկրաինական զինուժի հարձակումներից տուժած վաճառողներին աջակցելու նպատակով նախաձեռնել է գործընկերային ծրագիր, որի շրջանակում ազատ տարածքներ ունեցող ձեռնարկատերերը կկարողանան պահեստ բացել մարկետփլեյսի վաճառողների համար և գումար վաստակել ապրանքների ընդունման, պահպանման և առաքման միջոցով:
««Wildberries»-ը (ընդգրկված է RWB խմբի կազմում) սկսում է ապրանքների պահեստավորման և մշակման համար հանգույցներ բացելու նոր գործընկերային ծրագիր։ Նախաձեռնությունը կդառնա հարթակի գործընկերների աջակցության միջոցառումների համալիրի մաս»,-ասվում է ընկերության մամուլի ծառայության հաղորդագրության մեջ։
Նշվում է, որ հարմար տարածքների սեփականատերերն ու վարձակալները կկարողանան գործընկերային հանգույց բացել և վարձատրություն ստանալ առցանց առևտրի հարթակի վաճառողների ապրանքների պահպանման և առաքման համար:
Ընկերությունն այժմ հայտեր է ընդունում Ռուսաստանի բոլոր սուբյեկտներում տարածքների սեփականատերերից և վարձակալներից և նշում, որ նախագծի հետագա աշխարհագրությունը կորոշվի՝ հաշվի առնելով պոտենցիալ գործընկերների հետաքրքրությունը։
«Wildberries»-ի հիմնադիր Տատյանա Կիմի կարծիքով` դա թույլ կտա պատվերներն ավելի արագ հասցնել հաճախորդներին, իսկ ապրանքների հանձնման կետերի սեփականատերերին և համապատասխան տարածքներ ունեցող ձեռնարկատերերին՝ ընդլայնել իրենց հնարավորությունները և ստանալ եկամտի լրացուցիչ աղբյուր:
Ակնկալվում է, որ նոր գործընկերները կընդունեն, կհավաքեն և կառաքեն ապրանքները, ինչպես նաև դրանք կհասցնեն տեսակավորման կենտրոններ:
Տարածքի վերաբերյալ պահանջներին և համագործակցության պայմաններին կարելի է ծանոթանալ sklad.wb.ru կայքում։
Հիշեցնենք, որ վերջին շրջանում ընկերության մի շարք լոգիստիկ կենտրոններ ուկրաինական ԱԹՍ-ների հարձակումների են ենթարկվել։ Մարկետփլեյսը տուժած ձեռներեցներին աջակցելու նախաձեռնություններ է իրականացնում։ՌԴ փոխվարչապետ Ալեքսանդր Նովակը հանձնարարել է մշակել նրանց աջակցության միջոցներ։ Այդ աշխատանքները կիրականացնեն տնտեսական զարգացման, ֆինանսների նախարարությունները և Դաշնային հարկային ծառայությունը Կենտրոնական բանկի և ձեռնարկատերերի ասոցիացիաների հետ համատեղ: