ԱՄՆ-ի և Ուկրաինայի միջև հետախուզական տվյալների փոխանակման համագործակցությունը վերադարձել է իր նախկին բարձր մակարդակին, գրել է Politico-ն՝ հղում անելով փորձագետներին, ովքեր հետևել են Ուկրաինայում տիրող իրավիճակին։
Ըստ հրատարակության՝ «սա ողջունելի դրական խթան է Ուկրաինայի ռազմական ջանքերի համար կարևորագույն պահին»։
Սենատոր Մարկ Ուորները (Դեմոկրատ, Վիրջինիա), Հետախուզության կոմիտեի բարձրաստիճան անդամ և ԱՄՆ-ի կողմից Ուկրաինային օգնության ավելացման վաղեմի կողմնակից, հրատարակությանը ասել է, որ տեսնում է հետախուզական տվյալների փոխանակման համաձայնագրի բարելավման նշաններ և կարծում է, որ դա օգնել է Կիեւին առավելություն ստանալ չորսամյա պատերազմում։ «Ես չեմ ուզում մանրամասնել, բայց իրավիճակը բարելավվել է», – ասել է նա՝ հավելելով, որ Ուկրաինայի կողմից անօդաչու թռչող սարքերի և հեռահար հրթիռների օգտագործումը թույլ է տվել նրան խորը հարված հասցնել Ռուսաստանի տարածքին և ամրապնդել իր դիրքերը։