Հուլիսի 28-ին ՀՀ ՆԳՆ ՓԾ տնօրեն-ՆԳ նախարարի տեղակալի հանձնարարականով ՓԾ Արարատի մարզային փրկարարական վարչության կողմից Երևան-Երասխ ավտոճանապարհի 83-84-րդ կմ-երին իրականացվել են հարկադիր քարաթափման աշխատանքներ։
Միջոցառման նպատակն էր կանխարգելել քարաթափման հնարավոր վտանգը և ապահովել ճանապարհահատվածում երթևեկության անվտանգությունը։ Կիրառելով մասնագիտացված տեխնիկական միջոցներ՝ փրկարարական ուժերը ճանապարհամերձ վտանգավոր լանջից հեռացրել են մոտ 5 խմ ծավալով քարային զանգված։
Աշխատանքներին ներգրավվել են ՓԾ Արարատի մարզային փրկարարական վարչության բնակչության պաշտպանության բաժնի և Արարատի հրշեջ-փրկարարական ջոկատի ծառայողները։ Անվտանգության ապահովման և երթևեկության կանոնակարգման հարցում աջակցություն են ցուցաբերել Ոստիկանության պարեկային ծառայության աշխատակիցները, իսկ գործընթացի տեխնիկական աջակացությունը ապահովել են «Արարատ Ճանշին» ՍՊԸ-ի մասնագետները։
ՀՀ ՆԳՆ ՓԾ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: