Անբարենպաստ եղանակային պայմանների և ավտոմատ դադարեցման պատճառով մի շարք ուշացումներից հետո, SpaceX ընկերությունը հաջողությամբ ավարտել է Starship գերծանր հրթիռի 13-րդ փորձնական մեկնարկը ԱՄՆ Տեխաս նահանգի Starbase մեկնարկային կայանից։
Starship հրթիռը թռիչքը կատարել է Երևանի ժամանակով 02:51-ին։
Starship 13-րդ առաքելության մեկնարկը 3 անգամ հետաձգվել էր։ Առաջին մեկնարկի փորձը չեղարկվել էր վերջին րոպեին. ավտոմատ հետհաշվարկը դադարել էր մեկնարկից վայրկյաններ առաջ՝ տեխնիկական խնդիրների պատճառով, իսկ հետագա ուշացումները պայմանավորված էին եղել Starbase մեկնարկային կայանի տարածքում անբարենպաստ եղանակային պայմաններով։
Մեկնարկի ծրագիրը ներառում է «Starlink V3» արբանյակների տեղակայում, Raptor շարժիչներից մեկի վերագործարկում տիեզերքում և վերին աստիճանի վերահսկվող վերին մուտք, վայրէջք և Հնդկական օվկիանոսում ցայտք։ Starship-ն առաջին անգամ տիեզերք կուղարկի 20 «Starlink V3» արբանյակ՝ ցանցի հզորությունը ընդլայնելու և կապի արագությունը մեծացնելու համար: Փորձարկման ընթացքում արբանյակները կտեղակայեն իրենց արևային վահանակներն ու անտենաները, կփորձեն կապ հաստատել ամբողջ խմբի հետ լազերների միջոցով: Starship-ի նման նույն ենթաուղեծրային հետագծով դրանք ամբողջությամբ կայրվեն մթնոլորտում արձակումից մոտավորապես 20 րոպե անց:
Վեց արբանյակներ հագեցած են եղել տեսախցիկներով՝ Starship-ի ջերմային պաշտպանությունը փորձարկելու համար նախքան մեկնարկային հրապարակ վերադառնալը: