23:03 21.07.2026 (Թարմացված է: 23:05 21.07.2026)
Բաժանորդագրվել
Վարորդը սթափության փորձաքննության է ենթարկվել. սթափ է եղել։
ԵՐԵՎԱՆ, 21 հուլիսի – Sputnik. Արմավիրի մարզի Մեծամոր բնակավայրի «Արև» հանդիսությունների սրահի մոտ 27-ամյա վարորդը «Mercedes» մակնիշի մեքենայով վրաերթի է ենթարկել հետիոտնի, որը հիվանդանոցում մահացել է։ Տեղեկությունը հայտնում է shamshyan.com-ը։
Դեպքը տեղի է ունեցել հուլիսի 21-ին` ժամը 21։00-ի սահմաններում։
«Մեքենան վարել է Արմավիրի մարզի բնակիչ Արսեն Ա․-ն։ Նա փախուստի չի դիմել, զանգել է շտապօգնություն, հետիոտնին տեղափոխել են «Արմավիր» բժշկական կենտրոն։ Տուժածի վիճակը գնահատվել է ծայրահեղ ծանր, նրան «Արմավիր» ԲԿ–ից տեղափոխել են Երևանի մասնագիտացված հիվանդանոցներից մեկը, որտեղից էլ հայտնել են, որ վրաերթի ենթարկվածը մահացել է»,– գրում է կայքը։
Դեպքի փաստով քննչական վարչությունում նախաձեռնվել է քրեական վարույթ, պարզվում է մահացածի ինքնությունը։ Վարորդը տեղում ենթարկվել է սթափության փորձաքննության, եղել է սթափ։