Քաղաքականություն
17.07.2026 | 14:18
ԱՄՆ-ում Հայաստանի դեսպան Նարեկ Մկրտչյանը հանդիպել է Կոնգրեսի անդամ Ջեյմի Ռասկինի հետ։ Զրուցակիցները քննարկել են երկկողմ հարաբերությունների ընթացիկ զարգացումները, համագործակցության հիմնական ուղղություններն ու փոխադարձ հետաքրքրություն ներկայացնող հարցերը՝ կարևորելով Հայաստան–ԱՄՆ գործընկերության շարունակական զարգացումը։
«Դեսպան Նարեկ Մկրտչյանը հանդիպում է ունեցել ԱՄՆ Կոնգրեսի անդամ Ջեյմի Ռասկինի հետ։
Հանդիպման ընթացքում դեսպանը ներկայացրել է Հայաստան–ԱՄՆ երկկողմ հարաբերությունների ընթացիկ զարգացումները, համագործակցության հիմնական ուղղությունները։
Զրուցակիցները մտքեր են փոխանակել երկկողմ օրակարգի և փոխադարձ հետաքրքրություն ներկայացնող հարցերի շուրջ՝ ընդգծելով Հայաստան–ԱՄՆ համագործակցության շարունակական զարգացման կարևորությունը»,- ասված է ԱՄՆ-ում ՀՀ դեսպանության տարածած հաղորդագրությունում։