Նրանցից շատերը հանդես են գալիս Բարսելոնայում․ Մեսսին՝ Իսպանիայի դեմ սպասվող եզրափակիչի մասին

Արգենտինայի ազգային հավաքականի ավագ Լիոնել Մեսսին պատասխանել է ԱԱ-2026-ի եզրափակիչում Իսպանիայի ընտրանու դեմ կայանալիք հանդիպման վերաբերյալ հարցերին։ Այս մասին հայտնում է armsport.am-ը:

Արգենտինացիները կիսաեզրափակիչում հաղթել են Անգլիային հանդիպման վերջնամասում խփած երկու գոլերի շնորհիվ (2-1) և նվաճել եզրափակիչի ուղեգիր։ Մեսսին դարձել է երկու գոլային փոխանցման հեղինակ։ Մեկ օր առաջ Իսպանիան 2-0 հաշվով առավելության էր հասել Ֆրանսիայի նկատմամբ և դարձել եզրափակիչի առաջին մասնակիցը։

«Մնացել է վերջին քայլը, ընդամենը մեկ խաղ։ Մենք կշարունակենք պայքարել և կանենք հնարավոր ամեն ինչ։ Ես ճանաչում եմ Իսպանիայի հավաքականի շատ խաղացողների։ Նրանցից շատերը հանդես են գալիս «Բարսելոնայում»․ ես շատ եմ սիրում այդ ակումբը և մինչ օրս հետևում եմ նրանց։ Կարծում եմ՝ շատ հավասար խաղ կլինի»,- 39-ամյա ֆուտբոլիստի հետխաղյա հարցազրույցից այս հատվածը մեջբերում է The Touchline-ը։