Մեծ Բրիտանիայի ծովային առևտրային գործողությունների (UKMTO) կենտրոնը հայտնել է, որ հրթիռ է արձակվել լցանավի Հորմուզի նեղուցով՝ Օմանի ափերի երկայնքով հարավային երթուղով անցնող լցանավի վրա, գրում է CNN-ը։
Ծովային իշխանությունները հայտնել են, որ հրթիռային հարձակման մասին իշխանություններին առաջին անգամ հայտնել են երեկ։ UKMTO-ն հայտնել է, որ միջադեպը, որը տեղի է ունեցել Օմանի Լիմա քաղաքից 13 ծովային մղոն (մոտ 15 մղոն) հարավ-արևելք, հետաքննվում է։
Երկուշաբթի UKMTO-ն հայտարարել էր, որ մեկ այլ լցանավ «անհայտ արկի» հարված է ստացել Օմանի Քալհաթ քաղաքից 40 ծովային մղոն (մոտ 46 մղոն) հյուսիս-արևելք:
«Նավերին խորհուրդ է տրվում զգուշորեն անցնել և ցանկացած կասկածելի գործունեության մասին հայտնել UKMTO-ին»,- ասվում է հայտարարության մեջ։
Այս տեղեկությունները հայտնվում են այս կրիտիկական ջրային ուղում լարվածության աճի ֆոնին, որով սովորաբար տեղափոխվում է աշխարհի նավթի և հեղուկ բնական գազի մեկ հինգերորդ մասը։ Թեհրանը հայտարարել է, որ գիշերը հարձակվել է երկու «անօրինական լցանավերի» վրա՝ պնդելով, որ նավերն անտեսել են իրանական իշխանությունների նախազգուշացումները։
Միաժամանակ, հաղորդվում է, որ Իրանի խորհրդարանը սկսել է աշխատել Հորմուզի նեղուցի վերաբերյալ օրինագծի վրա։ Այս մասին հայտարարել է անվտանգության հարցերի հանձնաժողովի ղեկավարը։
«Երեկ երեկոյան, ամերիկյան անօդաչու թռչող սարքերի խոցմանը զուգահեռ, Իրանի խորհրդարանում պաշտոնապես ներկայացվել է «Հորմուզի նեղուցի և Պարսից ծոցի անվտանգության և կայուն առաջընթացի համար ռազմավարական գործողություններ» օրինագիծը»,- գրել է Էբրահիմ Ազիզին X-ում։
Թարգմանությունը՝ Էմմա Չոբանյանի