https://arm.sputniknews.ru/20260707/hh-ardjunaberutjuny-2026-tvakani-hunvarmajisin-atshel-e-122vov-manramasner-104318991.html
ՀՀ արդյունաբերությունը 2026 թվականի հունվար–մայիսին աճել է 12.2%–ով. մանրամասներ
ՀՀ արդյունաբերությունը 2026 թվականի հունվար–մայիսին աճել է 12.2%–ով. մանրամասներ
Sputnik Արմենիա
Արդյունաբերությունը հիմնականում աճել է հանքարդյունաբերության ոլորտի հաշվին: Թեև հայկական հանքարդյունաբերական ընկերությունների եկամուտները չեն աճել այնքան… 07.07.2026, Sputnik Արմենիա
2026-07-07T14:47+0400
2026-07-07T14:47+0400
2026-07-07T14:47+0400
արդյունաբերություն
վիճակագրություն
ազգային վիճակագրական ծառայություն (ավծ)
հայաստան
եկամուտ
հանքարդյունաբերություն
գնաճ
մոլիբդեն
https://cdn.am.sputniknews.ru/img/2078/79/20787974_0:0:1600:901_1920x0_80_0_0_54aee0974f787be40c4cc4f31cd77b2f.jpg.webp
ԵՐԵՎԱՆ, 7 հուլիսի – Sputnik, Արամ Գարեգինյան. 2026 թվականի հունվար-մայիսին Հայաստանում արդյունաբերական արտադրությունը աճել է 12.2%-ով: Այս մասին հայտնում է Հայաստանի վիճակագրական կոմիտեն։Վերամշակվող արդյունաբերության ծավալները աճել են 8.6%-ով (մանրամասները ըստ ոլորտների արդեն ներկայացրել ենք), իսկ հանքարդյունաբերությունը (մետաղական հանքաքարի արդյունահանում)` 36.2%-ով: Ոչ մետաղական օգտակար հանածոների (քար և ավազ) արդյունահանումը նվազել է 21.5%-ով, ինչը որոշակի կասկածներ է առաջացնում:Հանքարդյունաբերության արտադրությունն աճել է. պղնձի խտանյութը (առաջնային վերամշակված հանքանյութ) մոտ 35%-ով, մոլիբդենի խտանյութը՝ մոտ 30%-ով, իսկ ցինկը` 10%–ից մի փոքր ավելի (ոլորտի ծավալների մեծ մասը բաժին է հասնում պղնձի խտանյութին): Սակայն, դատելով ամեն ինչից, հայ արտահանողները չեն կարողացել օգուտ քաղել մետաղների համաշխարհային գների աճից:Ինչպիսի՞ն էր 2025 թվականը. ո՞ր ոլորտում ունեցանք հաջողություն, որում` ոչՄասնավորապես, եթե 2025 թվականի առաջին կեսին համաշխարհային շուկաներում պղինձն արժեր 9000-10000 դոլար մեկ տոննայի համար, ապա 2026 թվականի սկզբից այն աճել է մինչև ավելի քան13000 դոլար մեկ տոննայի համար։ Ավելին, նույնիսկ մարտին՝ Իրանի դեմ ԱՄՆ-ի և Իսրայելի ագրեսիայի մեկնարկից և համաշխարհային լոգիստիկայում առկա խափանումներից հետո, գները չեն իջել12000 դոլարից ներքև։ Այդ իսկ պատճառով Հայաստանում արդյունահանման աճը (ավելի քան 30%-ով), բազմապատկած համաշխարհային գնաճի (30-40% կամ ավելի) պայմաններում տեսականորեն կարող էր ավելացնել Հայաստանի հանքարդյունաբերության ոլորտի եկամուտը առնվազն50-60%-ով։ Միևնույն ժամանակ, այս ոլորտի շահույթը, ինչպես նշեցինք, աճել է ընդամենը36.2%-ով։Հավելենք, որ նմանատիպ գնաճ է նկատվել նաև մոլիբդենի հետ կապված. անցյալ տարվա հունվար-մայիսին այն արժեր մոտ 40,000-45,000 դոլար մեկ տոննայի դիմաց, իսկ այս տարվա առաջին ամիսներին՝ 55,000-65,000 դոլար: Նույն իրավիճակը նկատվել է նաև ցինկի դեպքում. անցյալ տարի այն արժեր 2,500-3,000 դոլար մեկ տոննայի դիմաց, այս տարի՝ ավելի քան 3,000 դոլար։«Առնեմ–ծախեմ–շահեմ»` սա է ՀՀ տնտեսության և բիզնես հոգեբանության էությունը. փորձագետՃիշտ է, պետք է նշել, որ Մերձավոր Արևելքում հակամարտության սկսվելուց որոշ ժամանակ անց բեռնափոխադրումների համաշխարհային սակագները սկսեցին կտրուկ աճել: Հետևաբար, հավանական է, որ բեռնափոխադրողները «գողացել» են հայկական հանքերից մետաղների գնաճից ստացված լրացուցիչ շահույթի մի մասը։Նշենք, որ նույն ժամանակահատվածում (այս տարվա հունվար-մայիսին) ավելի քան կրկնակի կրճատվել է ֆեռոմոլիբդենի (մոլիբդենի և երկաթի համաձուլվածք) արտադրությունը: Եթե նախորդ տարիներին մոլիբդենի խտանյութի մեծ մասը վերամշակվել է Հայաստանում, ապա վերջին 4-5 տարիների ընթացքում այն արտահանվել է որպես հումք: Դա կապված է նրա հետ, որ ԵՄ-ն և Չինաստանը (այս համաձուլվածքի իրացման հիմնական շուկաները) սկսել են կոշտ միջոցներ ձեռնարկել սեփական արտադրողներին պաշտպանելու համար։
2026
Լուրեր
am_HY
https://cdn.am.sputniknews.ru/img/2078/79/20787974_41:0:1464:1067_1920x0_80_0_0_ad27b176aeb62dd6933ea0ca804222dc.jpg.webp
արդյունաբերություն, վիճակագրություն, ազգային վիճակագրական ծառայություն (ավծ), հայաստան, եկամուտ, հանքարդյունաբերություն, գնաճ, մոլիբդեն
արդյունաբերություն, վիճակագրություն, ազգային վիճակագրական ծառայություն (ավծ), հայաստան, եկամուտ, հանքարդյունաբերություն, գնաճ, մոլիբդեն
Արդյունաբերությունը հիմնականում աճել է հանքարդյունաբերության ոլորտի հաշվին: Թեև հայկական հանքարդյունաբերական ընկերությունների եկամուտները չեն աճել այնքան, որքան կարող էին (այդ թվում` Մերձավոր Արևելքում տեղի ունեցած հակամարտության պատճառով):
ԵՐԵՎԱՆ, 7 հուլիսի – Sputnik, Արամ Գարեգինյան. 2026 թվականի հունվար-մայիսին Հայաստանում արդյունաբերական արտադրությունը աճել է 12.2%-ով: Այս մասին հայտնում է Հայաստանի վիճակագրական կոմիտեն։
Վերամշակվող արդյունաբերության ծավալները աճել են 8.6%-ով (մանրամասները ըստ ոլորտների արդեն ներկայացրել ենք), իսկ հանքարդյունաբերությունը (մետաղական հանքաքարի արդյունահանում)` 36.2%-ով: Ոչ մետաղական օգտակար հանածոների (քար և ավազ) արդյունահանումը նվազել է 21.5%-ով, ինչը որոշակի կասկածներ է առաջացնում:
Հանքարդյունաբերության արտադրությունն աճել է. պղնձի խտանյութը (առաջնային վերամշակված հանքանյութ) մոտ 35%-ով, մոլիբդենի խտանյութը՝ մոտ 30%-ով, իսկ ցինկը` 10%–ից մի փոքր ավելի (ոլորտի ծավալների մեծ մասը բաժին է հասնում պղնձի խտանյութին): Սակայն, դատելով ամեն ինչից, հայ արտահանողները չեն կարողացել օգուտ քաղել մետաղների համաշխարհային գների աճից:
Մասնավորապես, եթե 2025 թվականի առաջին կեսին համաշխարհային շուկաներում պղինձն արժեր 9000-10000 դոլար մեկ տոննայի համար, ապա 2026 թվականի սկզբից այն աճել է մինչև ավելի քան13000 դոլար մեկ տոննայի համար։ Ավելին, նույնիսկ մարտին՝ Իրանի դեմ ԱՄՆ-ի և Իսրայելի ագրեսիայի մեկնարկից և համաշխարհային լոգիստիկայում առկա խափանումներից հետո, գները չեն իջել12000 դոլարից ներքև։ Այդ իսկ պատճառով Հայաստանում արդյունահանման աճը (ավելի քան 30%-ով), բազմապատկած համաշխարհային գնաճի (30-40% կամ ավելի) պայմաններում տեսականորեն կարող էր ավելացնել Հայաստանի հանքարդյունաբերության ոլորտի եկամուտը առնվազն50-60%-ով։ Միևնույն ժամանակ, այս ոլորտի շահույթը, ինչպես նշեցինք, աճել է ընդամենը36.2%-ով։
Հավելենք, որ նմանատիպ գնաճ է նկատվել նաև մոլիբդենի հետ կապված. անցյալ տարվա հունվար-մայիսին այն արժեր մոտ 40,000-45,000 դոլար մեկ տոննայի դիմաց, իսկ այս տարվա առաջին ամիսներին՝ 55,000-65,000 դոլար: Նույն իրավիճակը նկատվել է նաև ցինկի դեպքում. անցյալ տարի այն արժեր 2,500-3,000 դոլար մեկ տոննայի դիմաց, այս տարի՝ ավելի քան 3,000 դոլար։
Ճիշտ է, պետք է նշել, որ Մերձավոր Արևելքում հակամարտության սկսվելուց որոշ ժամանակ անց բեռնափոխադրումների համաշխարհային սակագները սկսեցին կտրուկ աճել: Հետևաբար, հավանական է, որ բեռնափոխադրողները «գողացել» են հայկական հանքերից մետաղների գնաճից ստացված լրացուցիչ շահույթի մի մասը։
Նշենք, որ նույն ժամանակահատվածում (այս տարվա հունվար-մայիսին) ավելի քան կրկնակի կրճատվել է ֆեռոմոլիբդենի (մոլիբդենի և երկաթի համաձուլվածք) արտադրությունը: Եթե նախորդ տարիներին մոլիբդենի խտանյութի մեծ մասը վերամշակվել է Հայաստանում, ապա վերջին 4-5 տարիների ընթացքում այն արտահանվել է որպես հումք: Դա կապված է նրա հետ, որ ԵՄ-ն և Չինաստանը (այս համաձուլվածքի իրացման հիմնական շուկաները) սկսել են կոշտ միջոցներ ձեռնարկել սեփական արտադրողներին պաշտպանելու համար։